06.10.2026 | 11:45
Ինչ են քննարկում Սասուն Միքայելյանը և Նարեկ Կարապետյանը վիճաբանության ժամանակ․ ՏԵՍԱՆՅՈՒԹ
Կառուցապատողը, որպես կաշառք, էժան բնակարաններ է առաջարկել. Քիմիայի ինստիտուտի փոխտնօրեն․ ՏԵՍԱՆՅՈՒԹ
Հասարակություն
17.02.2022 | 11:39
«Կառավարությունը պետք է իր հստակ դիրքորոշումը հայտնի և հիմնովին փոխի իր դիրքորոշումը գիտության հանդեպ»,- բողոքի ակցիայի ժամանակ լրագրողների հետ զրույցում ասաց ԳԱԱ Օրգանական և դեղագործական քիմիայի գիտատեխնոլոգիական կենտրոնի գիտական գծով փոխտնօրեն Ռոբերտ Հակոբյանը։
«Դիմել ենք ԿԳՄՍ նախարարին, մեզ ընդունեց երեք օր առաջ։ Նախկինում էլի ենք հանդիպումներ ունեցել նախարարի հետ։ Այս ամենի գործառույթն իրականում քաղաքապետարանի և քաղաքաշինության կոմիտեի հսկողության տակ են։ ԿԳՄՍ-ից պարզապես խորհուրդ են հարցնում, դեմ լինի, թե կողմ, իրենք իրենց գործերն առաջ են տանում»,- նշեց Հակոբյանը։
Նրա խոսքով՝ ընթացող շինարարության աղմուկի պատճառով աշխատելն անհնար է։ «Այնտեղ ստորգետնյա ավտոկայանատեղի է լինելու՝ 200 ավտոմեքենայի համար, դուք պատկերացնո՞ւմ եք, թե ինչքան են փորելու։ Բուն շինարարության ընթացքում խաթարվելու է ինստիտուտի բնականոն աշխատանքը։
Կառավարությունը կարող է թույլվություն չտրամադրել, հետ գնել տարածքը կամ տրամադրել այլ տարածք։ Սա 2007թ. տեղի ունեցած անօրինական գործարքի հետևանք է: Կորցնելու ենք գիտության համար մի անգին կենտրոն, որը հետագայում չենք կարողանալու ունենալ»,- նշեց փոխտնօրենը։
Հակոբյանը նաև տեղեկացրեց, որ կառուցապատողը, որպես կաշառք, էժան բնակարաններ է առաջարկել երիտասարդ բողոքի ակցիա անողներին. «Տեսան, չէ, ջահելներին համոզել չի լինում, ասացին՝ մենք ինչ ուզենք, կանենք»:
Մանրամասները՝ տեսանյութում:
