25.04.2026 | 21:33
Մանվել Խնձրցյանը և Վազգեն Թևանյանը տպավորիչ հաղթանակներով դարձան ԵԱ-ի բրոնզե մեդալակիրներ. ՏԵՍԱՆՅՈՒԹ
Սե՛րժ, ոչ մի անհարգալից վերաբերմունք չկա ասածիս մեջ, բայց դու մեր հայրը չես, և մենք քո զավակները չենք. Սերժ Թանկյանը՝ Սերժ Սարգսյանին
Հասարակություն
19.04.2018 | 09:13
Ամերիկահայ ռոք երաժիշտ-երգահան, աշխարհահռչակ System of A Down խմբի հիմնադիր Սերժ Թանկյանը ֆեյսբուքի իր էջում արված գրառմամբ անդրադարձել է Հայաստանում վերջին օրերին ծավալվող իրադարձություններին:
«Վերջապես, Հայաստանում անհավանական մի բան է տեղի ունենում։ Քաղաքացիական անհնազանդությունը ընդլայնվում է և վերաճում է գործադուլների և դասադուլների՝ ընդդեմ անարդար, կոռումպացված էլիտայի։ Սա նոր Հայաստանի առաջին շաբաթն է, և ինչ էլ տեղի ունենա, անտարբերությունը վերացած է։ Սերժ Սարգսյանն (հին նախագահ, նոր վարչապետ) ընդունել է, որ բնակչության 60 տոկոսը իրեն չի սիրում և համաձայն չէ իր հետ։ Այդուհանդերձ, նա շարունակում է իր հովանավորչական մոտեցումն ու կառավարումը։ Սե՛րժ, ոչ մի անհարգալից վերաբերմունք չկա ասածիս մեջ, բայց դու մեր հայրը չես, և մենք քո զավակները չենք։ Դու ծառայել ես Հայաստանի ժողովրդին և այլևս կենսունակ, հարգված ղեկավար չես․․․»,- գրել է Թանկյանը իր ֆեյսբուքյան էջում։
