07.10.2026 | 15:10
ՀՀ-ում հրթիռների արտադրության հարցի քննարկում Դելիի հետ՝ ըստ ԶԼՄ-ի // Երևանում փակ փողոցներ կլինեն․ ԼՈՒՐԵՐ
Ռուբեն Ռուբինյանն ու Անդրեյ Ռուդենկոն մտքեր են փոխանակել հայ-թուրքական հարաբերությունների կարգավորման վերաբերյալ
Քաղաքականություն
14.02.2022 | 19:44
Փետրվարի 14-ին տեղի է ունեցել ՀՀ ԱԺ նախագահի տեղակալ, Հայաստան-Թուրքիա կարգավորման գործընթացում հատուկ ներկայացուցիչ Ռուբեն Ռուբինյանի և ՌԴ ԱԳ նախարարի տեղակալ Անդրեյ Ռուդենկոյի հեռախոսազրույցը: Այս մասին հայտնել է ԱԳՆ մամուլի խոսնակ Վահան Հունանյանը։
Զրուցակիցները մտքեր են փոխանակել Հայաստանի և Թուրքիայի միջև հարաբերությունների կարգավորման գործընթացի վերաբերյալ: Երկուստեք հույս է հայտնվել, որ հատուկ ներկայացուցիչների՝ Վիեննայում կայանալիք երկրորդ հանդիպումն արդյունավետ կլինի։
ՌԴ ԱԳՆ տարածած հաղորդագրության համաձայն էլ՝ կողմերը մտքեր են փոխանակել հայկական և թուրքական կողմերի միջև մոսկովյան պայմանավորվածությունների կատարման (սույն թվականի հունվարի 14-ին), ինչպես նաև այս տարվա փետրվարի 24-ին Վիեննայում երկու երկրների հատուկ ներկայացուցիչների հերթական շփման հետ կապված հետագա քայլերի շուրջ։
«Ռուսական կողմը վերահաստատել է իր պատրաստակամությունը՝ հետագայում էլ աջակցելու Երևանի և Անկարայի միջև շփման կետերի որոնմանը՝ ի շահ տարածաշրջանի կայունության և կայուն զարգացման»,- ասվում է ռուսական կողմի հաղորդագրությունում։
Տաթև Ֆռանգյան
