06.10.2026 | 18:19
Բայրամովն ԱՄՆ հատուկ ներկայացուցչի ավագ խորհրդականի հետ քննարկել է TRIPP-ը
«Իշխանության նպատակն է փակել 44-օրյա պատերազմի էջը». Տիգրան Աբրահամյան. ՏԵՍԱՆՅՈՒԹ
Քաղաքականություն
14.02.2022 | 12:47
«Իշխանությունը փորձում է տպավորություն ստեղծել, թե 44-օրյա պատերազմի հանգամանքներն ուսումնասիրող քննիչ հանձնաժողովի միջոցով հնարավոր է լինելու բացահայտել պատերազմի հանգամանքերն ու դրանում շահագրգռվածություն չի ցուցաբերում ընդդիմությունը»,- ԱԺ-ում հրավիրված ասուլիսի ժամանակ հայտարարեց «Պատիվ ունեմ» խմբակցության պատգամավոր Տիգրան Աբրահամյանը և պնդեց, որ եթե իշխանությունը նմանատիպ կամք ու ցանկություն ունենար, ապա դրա համար կային իրավապահ մարմիններ, որոնք զբաղվում են բացահայտումներով:
Ընդդիմադիր պատգամավորը հայտարարեց, որ կա շատ կարևոր հանգամանք, որը իշխանության տարբեր ներկայացուցիչներ փորձում են «սղացնել» ՝ դա օբյեկտիվության հանգամանքն է: «Բոլորի համար ակնհայտ է, որ պատերազմի աղետալի հետևանքների պատասխանատուն և գլխավոր մեղավորն իշխանությունն է, հիմա այդ նույն իշխանությունը ձևավորում է քննիչ հանձնաժողով և ասում է՝ եկեք որոշենք մեր պատասխանատվության կամ մեղավորության աստիճանը: Այս պայմաններում սա ուղղակի իշխանության համար բեմադրություն է, որի գլխավոր նպատակն է փակել 44-օրյա պատերազմի էջը՝ նախապես նշանակելով մեղավորների, պատասխանատուների՝ փորձելով այս ողջ գործընթացը քաղաքական իշխանության վրայից վերցնել և տեղափոխել ցածր օղակներ», – հայտարարեց ընդդիմադիր պատգամավոը։
Մանրամասները՝ տեսանյութում:
