24.11.2024 | 11:53
Մխիթարյանն սկսել է ինքնակենսագրական գիրք գրել
Ամերիկյան սուզանավ Ռուսաստանի տարածքային ջրերում. Մոսկվան նոտա է հղել Վաշինգտոնին
Քաղաքականություն
13.02.2022 | 00:42
Ռուսաստանի տարածքային ջրերում՝ Կուրիլյան Ուրուպ կղզու մոտակայքում, հայտնաբերվել է ԱՄՆ ռազմածովային ուժերի Վիրջինիա դասի սուզանավ։ ՌԴ ՊՆ-ն ընդգծել է, որ ամերիկյան սուզանավն անտեսել է ռուսական ջրերը լքելու պահանջները։ «Մարշալ Շապոշնիկով» ֆրեգատը հատուկ տեխնիկա է կիրառել սուզանավի կողմից Ռուսաստանի Դաշնության տարածքային ջրերի խախտման հետ կապված։
ՌԴ պաշտպանության նախարարությունը նոտա է հանձնել ԱՄՆ ռազմական կցորդին՝ ամերիկյան սուզանավի կողմից Ռուսաստանի Դաշնության պետական սահմանների խախտման պատճառով։ Այս մասին փետրվարի 12-ին հայտնել են ՌԴ վարչությունում։
Միաժամանակ ԱՄՆ պաշտպանության նախարարության ներկայացուցչին հայտնել են, որ ամերիկյան սուզանավի գործողությունները դիտվել են որպես միջազգային իրավունքի կոպիտ խախտում։ Ռուսական գերատեսչությունը հավելել է, որ ԱՄՆ ռազմածովային ուժերի նավի սադրիչ գործողությունները սպառնալիք են ստեղծել Ռուսաստանի Դաշնության ազգային անվտանգության համար։
«ԱՄՆ պաշտպանության նախարարությունը տեղյակ է Կուրիլյան լեռնաշղթայի մոտ ամերիկյան միջուկային սուզանավի հետ կապված իրավիճակի մասին հաղորդագրությունների մասին, սակայն առայժմ չի կարող հաստատել միջադեպի մանրամասները»,- այս մասին ՏԱՍՍ-ին հայտնել է Պենտագոնի պաշտոնական ներկայացուցիչը։
