29.03.2026 | 22:16
Հրդեհ ավտոմեքենայում․ տուժածներ չկան
Կրակոցի ձայնից արթնացանք, փոքրս վախեցած էր․ ինչ է պատմում ադրբեջանական գնդակից վնասված տան բնակիչը. ՏԵՍԱՆՅՈՒԹ
Հասարակություն
11.02.2022 | 15:25
Երբ լուսադեմին արթնանում ես հակառակորդի կրակոցից ու կոտրված պատուհանի ձայնից․․․ Կարմի շուկայի բնակչուհի Արև Գաբրիելյանը դժվարացավ նկարագարել այսօրվա միջադեպի հետ կապված զգացողությունները։ Տանը 3 անչափահաս երեխա է բնակվում, արթնացել են կրակոցի ձայներից։
Պատուհանի ապակին փշրած գնդակն ընկել է տանը քնած բնակիչներից 1-2 մ հեռավորության վրա՝ բազմոցի տակ։ Դեպքի մասին հայտնել են ռուս խաղաղապահներին։
Նկարագրված դեպքը վերջին օրերին ադրբեջանական զինված ուժերի պարբերաբար ակտիվացող ահաբեկչական գործողությունների հերթական դրսևորումն է՝ արձանագրում է Արցախի Մարդու իրավունքների պաշտպանը:
Արցախում տեղակայված մյարտական դիրքերից ադրբեջանական բնակավայրերը չեն դիտարկվում, մինչդեռ ադրբեջանական հենակետերն ուղիղ դիտարկում են հայկական բնակավայրերն ու պարբերաբար սպառնալիք դառնում՝ խախտելով խաղաղ բնակիչների կյանքի ու սեփականության իրավունքները։
Քանի դեռ միջազգային հանրությունը լուռ է, Ադրբեջանը շարունակում է նույն ձեռագրով առաջ գնալ։ Հրադադարից հետո մինչ այսօր մոտ 60 թիրախային կրակոցի դեպք է գրանցվել՝ խլելով մարդկային կյանքեր, հասցնելով նյութական վնասներ ու խաթարելով բնականոն կյանքը։
Կարմիր շուկայի մանկապարտեզն արդեն մեկ ամիս է՝ դատարկ է։ Երբ հունվարի 11-ին մանկապարտեզի շենքից մի քանի մետր հեռավորության վրա կայանած մեքենան բռնկվեց կրակոցների պատճառով, ծնողները երեխաներին որոշեցին տանը պահել։
Հունվարի 25-ին էլ արցախցիները բողոքի ակցիայով իրենց դժգոհությունը արտահայտեցին՝ ադրբեջանական մեքենաների համար փակելով դեպի Շուշի գնացող ճանապարհը, սակայն բնակիչների դժգոհությունն ակնհայտորեն չի զսպում ադրբեջանական կողմի ագրեսիվ գործելաոճը։
Մանրամասները՝ տեսանյութում։
Սաթենիկ Հայրապետյան
