14.09.2026 | 18:19
Փաշինյանն ու Բունդեսթագի պատվիրակությունը քննարկել են Հայաստան–Գերմանիա և Հայաստան–ԵՄ հարաբերությունները
Սննդային թունավորումների ու ՄԻԱՎ-ի դեպքերն աճել են․ Վիճակագրական կոմիտեն թվեր է հրապարակել
11.02.2022 | 11:30
Հայաստանում նախորդ տարվա ընթացքում ավելացել են սննդային թունավորումների դեպքերը։ Այս մասին տեղեկանում ենք Վիճակագրական կոմիտեի հրապարակած տվյալների վերլուծությունից։
Այսպես․ 2021 թվականին գրանցվել է մանրէային սննդային թունավորման 96 դեպք՝ նախորդ տարվա 53-ի փոխարեն։
Ավելացել են նաև ՄԻԱՎ-ի դեպքերը․ 2020 թվականի արձանագրվել է ՄԻԱՎ-ի 335 դեպք, 2021-ին՝ 410 դեպք։
Կենդանիներից տուժելու դեպքերը աճել են 1226-ով ։ Այսպես․ եթե 2020 թվականին Հայաստանում գրանցվել է կենդանիներից տուժելու 4406 դեպք, 2021-ին գրանցված դեպքերը 5632-ն են։
Ինչ վերաբերում է կորոնավիրուսին, հետաքրքրական է այն փաստը, որ չնայած 2021 թվականին կորոնավիրուսի արձանագրված դեպքերն ու մահերն ավելի շատ են՝ 2020 թվականի համեմատ, այնուամենայնիվ, Covid-19-ով պայմանավորված թոքաբորբի դեպքերը նվազել են ավելի քան 50 %-ով։ 2020 թվականին Covid-19-ով հարուցված թոքաբորբի 28 հազար 177 դեպք է արձանագրվել 2020-ի 9 հազար 907 դեպքի փոխարեն։
Անժելա Պողոսյան
