24.04.2024 | 00:41
Մտահոգված ենք Հայաստանում ոստիկանական բռնության մասին հաղորդումների աճով. Freedom House
Գուժ Մանուկյանը Սերժ Սարգսյանի հետ է, իսկ Նիկոլայ Ծատուրյանին դուր չի գալիս, որ գործող վարչապետը չի հեռանում
Հասարակություն
18.04.2018 | 15:20
ՀԽՍՀ ժողովրդական արտիստ Գուժ Մանուկյանը Նիկոլ Փաշինյանի «Քայլ արա մերժիր Սերժին» շարժումն անլուրջ բան է համարում։ Նրան չի հետաքրքրում, թե ինչ է ուզում անել Նիկոլ Փաշինյանը․ «Էդպես էլ պիտի լիներ, Սերժ Սարգսյանը պիտի դառնար վարչապետ»։ Factor.am-ի այն հիշեցմանը, որ Սերժ Սարգսյանն անձամբ է ասել, որ չի հավակնում լինել վարչապետ, բայց դարձավ, պարոն Մանուկյանն ասաց․ «Ես էդ բանը չեմ լսել»։ Պարոն Մանուկյանին քաղաքականությունը հետաքրքիր չէ, իր բառերով, նրան «հետաքրքրում է իմ երկրի կայուն վիճակը» ։
ՀՀ ժողովրդական արտիստ Նիկոլայ Ծատուրյանը Փաշինյանի պայքարը համարում է անիմաստ։ Ըստ նրա պայքարն անիմաստ է, որովհետեւ «վերջանում է ծեծկռտուքով, աղմուկով, ոչինչ չի փոխվում»։ «Որ անընդհատ լսում ես՝ Սերժիկ, հեռացիր ու ոչինչ չի փոխվում, էդ լավ չի»,- ասում է Նիկոլայ Ծատուրյանը։ Սակայն ժողովրդական արտիստը համաձայն է Փաշինյանի պայքարի ձևերի ու հնչեցրած գաղափարների հետ։ Նա, սակայն, հույս ունի, որ պայքարը ի վերջո հաջողություն կունենա, «հույսը վերջինն է մեռնում»։
Մհեր Արշակյան
