12.12.2024 | 09:30
ՀՀ տարածքում կա փակ ավտոճանապարհ
44-օրյա պատերազմի հարցերով քննիչ հանձնաժողով կհրավիրվեն ՀՀ և Արցախի պաշտոնյաները. Արմեն Խաչատրյան. ՏԵՍԱՆՅՈՒԹ
Քաղաքականություն
10.02.2022 | 17:13
«Քաղաքացիական պայմանագիր» խմբակցության պատգամավորների նախաձեռնությամբ ՀՀ Ազգային ժողովում ստեղծվել է 44-օրյա պատերազմի հանգամանքներն ուսումնասիրող քննիչ հանձնաժողով:
«Երկուշաբթի օրը ԱԺ-ում տեղի կունենա նիստ, որի ընթացքում կհաստատվի Քննիչ հանձնաժողովի աշխատակարգը, որից հետո պետք է գտնել այնպիսի ձևաչափ և իրավական հնարավորություններ, որպեսզի ապահովենք նաև արտախորհրդարանական ուժերի մասնակցությունը հանձնաժողովի աշխատանքներին»,- Factor.am-ի հետ զրույցում նշեց «Քաղաքացիական պայմանագիր» խմբակցության պատգամավոր Արմեն Խաչատրյանը:
Պատգամավորի խոսքով՝ հանձնաժողովը կղեկավարի ԱԺ Պաշտպանության և անվտանգության հարցերի մշտական հանձնաժողովի նախագահը, դա օրենքի պահանջն է:
Խաչատրյանի խոսքով՝ 44-օրյա պատերազմի հարցերով քննիչ հանձնաժողով կհրավիրվեն ՀՀ և Արցախի պաշտոնյաներ, ինչպես նաև զինծառայողներ: Նա հավելեց՝ ակնալում է, որ 44-օրյա պատերազմի հանգամանքների մեծ մասը կպարզաբանվի, ինչը կնպաստի նաև մեր երկրի պաշտպանունակությանը, պաշտպանական ռազմավարության մշակմանը:
Մանրամասները՝ տեսանյութում:
