29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
Զինվորական հանցագործությունների ամբողջ մեղքը բարդվում է 18 տարեկան երեխաների վրա. Նինա Կարապետյանց. ՏԵՍԱՆՅՈՒԹ
Հասարակություն
10.02.2022 | 16:06
ՀՀ քննչական կոմիտեի հրապարակած տվյալների համաձայն՝ 2021-ին զինվորական քննչական գլխավոր վարչությունում քննվել է 8369 քրեական գործ:
Այսօր «Կարգապահությունը ԶՈՒ-ում՝ պատերազմից հետո. ինչո՞ւ են ավելացել զինվորական հանցագործությունները» թեմայով քննարկման ժամանակ անդրադառնալով այս վիճակագրությանը՝ «Հելսինկյան ասոցիացիա» իրավապաշտպան ՀԿ-ի նախագահ Նինա Կարապետյանցն ասաց, որ իրականում թվային տվյալներով ներկայացնելը շատ հարմարավետ իրավիճակ է ստեղծում վարույթ իրականացնող մարմնի, դատախազության և մյուս պետական օղակների համար, քանի որ շատ հեշտ է խոսել մեծ թվերով: «
«Իսկ թե այդ գործերն ինչո՞վ են ավարտվում, ի՞նչ արդյունքներ են լինում, դրա մասին խոսում են միայն իրավապաշտպանները, փաստաբանները, ովքեր զբաղվում են այդ գործերով:
Ես հակված եմ պաշտոնական տվյալներին չհավատալ, բայց ներկայացված թվերը վկայում են, որ կրկին ունենք մի իրավիճակ, երբ ամբողջ մեղքն ու պատասխանատվությունը բարդվում է 18 տարեկանների վրա: Այս ավանդույթը, պատերազմից սկսած, ամբողջ բեռը, վերջացրած բանակում առկա իրավիճակի ամբողջ պատասխանատվությունը, դնել 18 տարեկան զինվորների վրա, թե՛ բարոյական, թե՛ պրոֆեսիոնալ առումներով նորմալ չէ»
Իրավապաշտպանի գնահատմամբ՝ այս ամենը վկայում է հենց այդ համակարգի հիվանդ լինելու մասին:
Մանրամասները՝ տեսանյութում:
