22.11.2024 | 23:22
Կացնով կտրելու եմ․ Փաշինյանը՝ ծառայողական մեքենաների թվի կրճատման մասին․ ՏԵՍԱՆՅՈՒԹ
«Համոզված եմ՝ Թուրքիան ու Ադրբեջանը փորձել են իրենց գործակալներն ունենալ ՀՀ-ում և Արցախում». Սեյրան Օհանյան. ՏԵՍԱՆՅՈՒԹ
Քաղաքականություն
10.02.2022 | 16:00
Թուրքիան ու Ադրբեջանը փորձել են իրենց գործակալներն ունենալ ՀՀ-ում և Արցախում: Այս մասին Factor.am-ի հետ զրույցում նշեց «Հայաստան» խմբակցութան ղեկավար, ՀՀ պաշտպանության նախկին նախարար Սեյրան Օհանյանը՝ անդրադառնալով դիտարկմանը, որ Ազգային անվտանգության ծառայությունը հայտնել է Հայաստանի Հանրապետության տարածքում գործող լրտեսական ցանցի գործունեության բացահայտման և չեզոքացման մասին։
«Յուրաքանչյուր պետություն, որը պլանավորում է ռազմական գործողություններ, իր ուժերից բացի, գնահատում է նաև հակառակորդի ուժերը և փորձում է հակառակորդի դաշտում ունենալ աջակիցներ: Համոզված եմ, որ և՛ թուրքերը, և՛ ադրբեջանցիները փորձել են իրենց գործակալներն ունենալ Հայաստանում և Արցախում, համոզված եմ՝ նրանք գործակալներ գտնելու ունակություններ՝ մեթոոդներ, հնարամտություն և մարտավարություն ունեն:
Եթե դա չլիներ, հակառակորդը չէր ունենա հաջողություններ մեր երկրում մեր հասարակության մեջ պառակտում մտցնելու, մեր համախմբվելու և պետությունը ռազմական ռելսերի վրա փոխադրելու մեր ունակության վրա ազդեցություն ունենալու գործում… Մեզ համար դա դավաճանություն է, նրանք լրտես են հակառակորդի համար, իսկ մեզ համար դավաճան են և պետք է պատժվեն օրենքի ամբողջ խստությամբ»:
Մանրամասները՝ տեսանյութում:
