01.11.2024 | 18:26
Թուրքիան ՌԴ-ից ներկրվող բնական գազի համար հատուկ գին է ցանկանում ստանալ
Պատրաստ ենք հայտերի դեպքում աջակցել Բելառուսին․ Միրզոյանն անդրադարձավ Լուկաշենկոյի հայտարարությանը. ՏԵՍԱՆՅՈՒԹ
Քաղաքականություն
09.02.2022 | 16:46
«Ուզում եմ վերահաստատել՝ Ալեքսանդր Գրիգորևիչի ինքնատիպ աշխարհաքաղաքական վերլուծությունները, մեկնաբանությունները առաջին անգամ չէ, որ արժանանում են միջազգային տարբեր գործընկերների ուշադրությանը, քննարկման առարկա են դառնում տարբեր երկրներում, այդ թվում՝ մեր երկրում»,- այս մասին ԱԺ ամբիոնից հայտարարեց ՀՀ արտաքին գործերի նախարար Արարատ Միրզոյանը ԱԺ-Կառավարություն հարցուպատասխանի ընթացքում անդրադառնալով Բելառուսի նախագահ Ալեքսանդր Լուկաշենկոյի հայտարարությանը:
«Մեր խորին համոզմամբ՝ այս ձևակերպումներն ուղղված էին սպասարկելու Բելառուսի նախագահի ներքին քաղաքական օրակարգը, վստահ կարող եք լինել՝ ՀՀ ներքին քաղաքական օրակարգի հետ այն որևէ առնչություն չունի»,- ասաց Միրզոյանը:
Արտգործնախարարը հաստատեց, որ մեր երկրում Բելառուսի դեսպանը եղել է ՀՀ արտաքին գործերի նախարարությունում:
«Դեսպանին են փոխանցվել մեր համոզմունքներն այն մասին, որ մեր հայտարարությունները միմյանց մասին պետք է հիմնված լինեն փոխադարձ հարգանքի վրա, հաշվի առնեն միմյանց շահերը, սուվերենությունը, նաև այն իրավապայմանագրային դաշտը, որոնց հիման վրա կա մեր երկրների միջև համագործակցությունը»,- ասաց Միրզոյանը:
ՀՀ արտաքին գործերի նախարարն ընդգծեց, որ Հայաստանը պատրաստ է հետայսու ևս համապատասխան պաշտոնական հայտերի դեպքում հնարավորինս աջակցել Բելառուսին տարբեր միջազգային հարթակներում:
Հիշեցնենք, որ Բելառուսի նախագահ Ալեքսանդր Լուկաշենկոն հայտարարել է, որ առաջիկա 15 տարիներին Մոսկվայի ու Մինսկի նախաձեռնած միութենական պետության կազմում կընդգրկվի նախկին ԽՍՀՄ հանրապետությունների մեծ մասը՝ Ուկրաինան, Հայաստանը, Ղազախստանը և կենտրոնասիական այլ պետություններ։
«Հայաստանը փախչելու տեղ չունի: Ի՞նչ է, կարծում եք, նրանք ինչ-որ մեկին պե՞տք են»,- ասել էր Բելառուսի նախագահը:
Մանրամասները՝ տեսանյութում:
