08.06.2026 | 16:27
ԲՀԿ-ն վերահաշվարկ է սկսել․ պնդում է՝ կան անհամապատասխանություններ արձանագրությունների և ԿԸՀ-ում նշված տվյալների միջև
«Ի՞նչ է նշանակում՝ ո՞ւր եք գնում. Անթալիա մեկնելու հարցը դեռ որոշված չէ». Ռուբինյանը՝ Մանուկյանին. ՏԵՍԱՆՅՈՒԹ
Քաղաքականություն
08.02.2022 | 17:57
Հայաստանի արտգործնախարար Արարատ Միրզոյանն ու հայ-թուրքական բանակցություններում ՀՀ հատուկ ներկայացուցիչ Ռուբեն Ռուբինյանը հրավիրված են մասնակցելու մարտի 11-13-ը Անթալիայում կայանալիք դիվանագիտական ֆորումին:
«Ասում եք՝ ո՞ւր եք գնում, իսկ ո՞վ ասաց, որ ինչ-որ տեղ գնում ենք»,- ԱԺ այսօրվա նիստում անդրադառնալով «Հայաստան» խմբակցության պատգամավոր Գեղամ Մանուկյանի հայտարարության մեջ հնչեցրած հարցադրմանը՝ նշեց ԱԺ փոխնախագահ Ռուբեն Ռուբինյանը՝ հավելելով, որ հրավիրված են, բայց դեռևս որոշում չի կայացվել՝ կգնան, թե ոչ:
«Երբ որ որոշում կայացվի, առաջինը Դուք կիմանաք, կզանգեմ, կասեմ Ձեզ»,- նշեց Ռուբինյանը՝ դիմելով Գեղամ Մանուկյանին:
Նշենք, որ ԱԺ ամբիոնից հայտարարությունների ժամին Գեղամ Մանուկյանը հետևյալ հարցադրումներն էր հնչեցրել.«Ո՞ւր են գնում Արարատ Միրզոյանն ու Ռուբեն Ռուբինյանը: Թուրքական զբոսաշրջային այս քաղաքում արդեն երկրորդ տարին է, որ կայանալու է, պայմանական ասած, միջազգային ֆորումը, իսկ իրականում Էրդողանի մեծապետական նկրտումներին հագուրդ տվող համաժողովը: 2021-ին եվրոպացիները դա արհամարհեցին, Ռուսաստանը կտրուկ բոյկոտեց… Ո՞ւր են գնում Արարատ Միրզոյանն ու Ռուբեն Ռուբինյանը, ո՞վ է նրանց խորհուրդ տվել մասնակցել թուրքական նախագծին, մնում է անհայտ, թերևս, Ժիրայր Լիպարիտյանը… Միրզոյանն ու Ռուբինյանը կարող են ծուղակում հայտնվել Անթալիայում»:
Մանրամասները՝ տեսանյութում:
