19.12.2025 | 23:33
ԱՄՆ-ի, Ռուսաստանի և Ուկրաինայի բանակցությունների նոր փուլը տեղի կունենա ԱՄՆ-ում առաջիկա օրերին
Նվազագույն աշխատավարձը կբարձրանա, բայց այս տեսքով չի լինելու․ Պապոյան․ ՏԵՍԱՆՅՈՒԹ
Հասարակություն
08.02.2022 | 10:30
«Հայաստան» խմբակցության պատգամավոր Աղվան Վարդանյանը ԱԺ լիագումար նիստի մեկնարկին ներկայացրեց նվազագույն աշխատավարձը 68 հազարից 100 հազար դրամ դարձնելու իր նախագիծը, որը ոլորտային հանձնաժողովում բացասական եզրակացություն:
«Հայաստան» խմբակցության քարտուղար Արծվիկ Մինասյանը նշեց, որ որևէ տրամաբանություն չկա դեմ քվեարկել, ընդամենը խոսքը նախագիծը օրակարգ մտցնելու և քննարկման առարկա դարձնելու մասին է:
«Քաղաքացիական պայմանագիր» խմբակցության պատգամավոր Բաբկեն Թունյանը դիմեց Մինասյանին՝ նկատելով, որ արդյունավետ քննարկում լինում է հանձնաժողովի նիստում: «Լիագումար նիստ մտցնել այս նախագիծը ունի մեկ նպատակ՝ ցույց տալ, թե լավ բան եք ուզում անել, մենք համաձայն չենք: Այս պահին նախագիծն այս տեսքով օրակարգ մտցնելը սխալ է»:
Քաղաքացիական պայմանագիր խմբակցության պատգամավոր Գևորգ Պապոյանն էլ ասաց, որ նվազագույն աշխատավարձի բարձրացումը իրենց նախընտրական խոստումներից է եղել, դրան հավատարիմ են ու կբարձրացնեն, ըստ ժամկետների. «Մենք դա կանենք՝ ըստ մեր նախանշած սցենարի: Մենք խոստացել ենք ու դա կանենք: Բայց այս տեսքով դա չի լինելու, կան իրավական ու ֆինանսական խնդիրներ»:
Մանրամասները՝ տեսանյութում:
