16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Ավազակային հարձակում Գյումրիում․ բենզալցակայանից գումար են հափշտակել
Հասարակություն
07.02.2022 | 13:40
Փետրվարի 5-ին, ժամը 03․35-ին ոստիկանության «Կումայր»-ի բաժին ահազանգ է ստացվել այն մասին, որ ավազակային հարձակում է տեղի ունեցել Գյումրի քաղաքի Խանջյան փողոցի 9 հասցեում գործող բենզալցակայանի վրա։ Այս մասին տեղեկացանք ՀՀ ոստիկանության հասարակայնության հետ կապի և լրատվության վարչությունից։
Ըստ Factor.am-ի տեղեկությունների՝ բենզալցակայանի աշխատակիցը նկատել է, որ տարածքում երկու դիմակավորված,զինված անձինք կան և պաշտպանվելու համար մտել է հանգստի սենյակ։ Դիմակավորված անձանցից մեկը նրա հետևից ներս է մտել , ինքնաձիգով մի քանի անգամ կրակել է հատակին և գումար պահանջել։ Աշխատակիցն ասել է, որ գումարը հանգստի սենյակում չեն պահում, այդ ընթացքում մյուս դիմակավորված անձը դրամարկղից վերցրել է 150 հազար դրամ ու դիմել են փախուստի։
Կատարվում է նախքաննություն, դեպքի հանգամանքները պարզվում են։
Արմիկ Մովսիսյան
