16.01.2025 | 20:13
Մեծ Բրիտանիան և Ուկրաինան 100-ամյա գործընկերության համաձայնագիր են ստորագրել
Ավտոտեխսպասարկման կետում բռնկված հրդեհը մարվել է
05.02.2022 | 10:14
Փետրվարի 4-ին, ժամը 15:27-ին Ճգնաժամային կառավարման ազգային կենտրոն ահազանգ է ստացվել, որ Երևանի Դավիթ Բեկի փողոցի թիվ 134/4 հասցեում ավտոմեքենա է այրվում. կա տուժած. տեղեկացնում են ՀՀ ԱԻՆ-ից:
Դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից երեք մարտական հաշվարկ և Հրդեհաշիջման և փրկարարական աշխատանքների կազմակերպման բաժնի հերթապահ խումբը:
Պարզվել է, որ հրդեհը բռնկվել է ավտոտեխսպասարկման կետում (մոտ 40 քմ):
Մինչ փրկարարների կանչի վայր հասնելը՝ տուժածներ Ս. Պ.-ն (ծնված 1948 թ․) և Մ. Ա.-ն (ծնված 1984 թ․) հոսպիտալացվել են «Այրվածքաբանության ազգային կենտրոն» ՓԲԸ, որտեղ բժիշկները Մ. Ա.-ի առողջական վիճակը գնահատել են բավարար, իսկ Ս. Պ.-ինը՝ կայուն ծանր։
Հրդեհը մեկուսացվել է ժամը 16։10-ին, մարվել՝ 16:33-ին: Այրվել են «Opel» մակնիշի ավտոմեքենան և ավտոպահեստամասեր։
