12.03.2026 | 23:35
Վթար Երասխ-Երևան ավտոճանապարհին․ կան տուժածներ
Նոր վարորդներն ավելի ռիսկային են․ ինչո՞ւ է թանկանում ԱՊՊԱ-ն․ Ապահովագրողների բյուրոյի հիմնավորումները․ ՏԵՍԱՆՅՈւԹ
Հասարակություն
03.02.2022 | 19:33
Փետրվարի 7-ից ավտոմեքենայի ապահովագրության վճարի հաշվարկման նոր համակարգ կգործի, ըստ որի՝ վարորդների մի մասի համար ԱՊՊԱ-ն կթանկանա, մի մասի համար՝ կէժանանա։ Լուրը հանրության շրջանում բուռն քննարկումների առիթ է դարձել, նաև դժգոհություններ առաջացրել։
Ի՞նչ սկզբունքով է ընտրվել հաշվարկի նոր համակարգն ու ինչո՞ւ է առաջին անգամ մեքենա ապահովագրող վարորդի համար այն թանկանում։ Factor TV-ի հետ զրույցում այս հարցը պարզաբանեց Ապահովագրողների բյուրոյի գործադիր տնօրեն Վաղինակ Եղիազարյանը։
«Մինչ այժմ մեքենա ապահովագրող քաղաքացիների համար սակագինը որոշվում էր՝ կախված նպատակից, շարժիչի հզորությունից։ Հիմնականում այս չափանիշներով։ Հիմա որոշվեց, որ նոր մտնող վարորդների մեքենաները երբ ապահովագրվում են, նպատակահարմար չէ ի սկզբանե ինչ-որ գործակիցներով փոխել սակագները՝ առանց հաշվի առնելու իրենց վարքագիծը, քանի որ չգիտենք իրենց վարքագիծը։ Ժամանակի ընթացքում մենք կարողացանք ուսումնասիրել, վերլուծել իրավիճակը՝ հասկանալով, որ դրանք այդքան էլ ճիշտ չեն արտացոլում փաստացի պատկերը։ Օրինակ՝ տաքսիների վնասաբերությունը բարձր է, սակագինն էլ ավելի բարձր է ստացվում, բայց տաքսիների մեջ էլ կան մեքենաներ, որոնք ավելի ցածր վնասաբերություն ունեն, բայց ստիպված բարձր սակագնի տակ են ընկնում, կամ հակառակը՝ շատ բարձր է իրենց վնասաբերությունը, բայց միջինի մեջ են ընկնում։ Սա է այն խնդիրը, որ փորձել ենք լուծել խմբային գործակիցներից և շեշտը դնել անհատական գործակիցների վրա, որը ձևավորվում է ժամանակի ընթացքում՝ ըստ պատմության»,- նշեց բյուրոյի ղեկավարը։
Նրա խոսքով՝ նոր վարորդներն ավելի ռիսկային են, այդ պատճառով որոշվել է նրանց համար մեքենայի ապահովագրության սակագինն ավելի բարձր սահմանել։
Մանրամասները՝ տեսանյութում։
Անժելա Պողոսյան
