18.08.2026 | 17:41
Հայտնի է «Ուժեղ Հայաստանի»՝ Եվրաինտեգրման հարցերի մշտական հանձնաժողովի նախագահի թեկնածուի անունը
Սերժ Սարգսյանը չպետք է իրեն թույլ տա մեր իշխանության մասին խոսելիս ասել՝ «սրանք» . Հրաչյա Հակոբյան․ ՏԵՍԱՆՅՈՒԹ
Քաղաքականություն
03.02.2022 | 16:13
Օրեր առաջ Սերժ Սարգսյանն իր հարցազրույցում անդրադարձել է արցախյան բանակցային գործընթացին և նշել է, որ գործող իշխանությունը ցանկանում էր ավելի լավ բանակցային փաթեթ ստանալ, սակայն բոլորովին հակառակն ստացվեց:
Factor.am-ի հետ զրույցում «Քաղաքացիական պայմանագիր» խմբակցութան պատգամավոր Հրաչյա Հակոբյանը նշեց. «Ցավում եմ, որ ՀՀ նախագահի աթոռը երբևէ զբաղեցրել է Սերժ Սարգսյանի որակն ունեցող մարդ: Մարդը, որ զբաղեցրել է նախագահի աթոռը, չպետք է իրեն թույլ տա ներկայիս իշխանության մասին խոսելիս ասել՝ «սրանք»: Իր մարդկային որակների մասին է խոսում այն, որ նա կարող է ՀՀ վարչապետի մասին խոսելիս ասել՝ «սա», թիմի մասին խոսելիս կարող է ասել՝ «սրանք»»,- նշեց պատգամավորը՝ հավելելով, որ անկախ նրանից Սերժ Սարգսյանը եղել է ընտրված նախագահ, թե չընտրված, միևնույն է, նա եղել է ՀՀ նախագահ և իր այդպիսի բառապաշարն ընդունելի չէ:
«Ես դիտել եմ Սերժ Սարգսյանի հարցազրույցը, բայց չեմ ցանկանում մեկնաբանել նրա առաջ քաշած մտքերը»,- նշեց Հակոբյանը:
Մանրամասները՝ տեսանյութում:
