05.08.2026 | 19:00
Ծովագյուղում ապօրինի պահվող գայլերը տեղափոխվել են Երևանի կենդանաբանական այգի․ քաղաքացին տուգանվել է
Ահազանգ է եղել, որ զինվորն ինքնակամ լքել է զորամասը. փոխնախարարը՝ աղմկահարույց դեպքի մասին․ ՏԵՍԱՆՅՈՒԹ
Հասարակություն
03.02.2022 | 15:05
Ահազանգ է եղել, որ զինվորն ինքնակամ լքել է զորամասը: Զինվորի՝ Կապանի զորամասերից մեկն ինքնակամ լքելու փաստի առթիվ սկսվել է քննություն: Այս մասին խորհրդարանում լրագրողների հետ զրույցում հայտնեց ՀՀ պաշտպանության փոխնախարար Արման Սարգսյանը:
«Գնահատական կտրվի այն հանգամանքին, թե ինչն է պատճառ հանդիսացել, որպեսզի զինվորը ինքնակամ թողնի զորամասը: Եթե կպարզվի, որ բարձրացված ահազանգը համապատասխանում է իրականությանը, դրան կհետևեն խիստ պատիժներ, որովհետև մեզ էլ է մտահոգում վերջին ժամանակահատվածում նման խնդիրները: Տարիներ շարունակ մենք չէինք լսել, որ նման խնդիրներ կան, եթե կա, հետևաբար, բազմակողմանի, օբյեկտիվ քննության շրջանակներում դա ուսումնասիրության առարկա կդառնա»,- նշեց փոխնախարարը:
Արման Սարգսյանը վստահեցրեց, որ ՊՆ-ին ձեռնտու է, որպեսզի գործի բոլոր հանգամանքները բացահայտվեն, եթե անգամ զինվորի դեմ բռնություն կիրառելու վերաբերյալ փաստեր կան. «Եթե զինվորի նկատմամբ բռնության գործադրաման փաստ լինի, ապա կտեսնենք դրա հետևանքները»:
Հիշեցնենք՝ Ազգային ժողովի «Պատիվ ունեմ» խմբակցության պատգամավոր Թագուհի Թովմասյանն ահազանգ է ստացել, որ Կապանի զորամասերից մեկում հրամանատարական կազմը նսեմացրել և բռնության է ենթարկել նորակոչիկին՝ ստիպելով մաքրել սանհանգույցը, ինչի արդյունքում էլ նորակոչիկը փախուստի է դիմել։
