12.12.2025 | 00:34
Բռնցքամարտի ԱԱ․ Ռուդոլֆ Գարբոյանն ու Դավիթ Չալոյանը` բրոնզե մեդալակիրներ. ՏԵՍԱՆՅՈՒԹ
Օպերատիվ իրավիճակը հանրապետությունում փետրվարի 1-ից 2-ը
Հասարակություն
02.02.2022 | 12:12
Ըստ ոստիկանության օպերատիվ հաղորդագրությունների ամփոփագրերի՝ փետրվարի 1-ից 2-ը Հայաստանի Հանրապետության ոստիկանության ստորաբաժանումները բացահայտել են հանցագործության 91 դեպք, որից 7-ը՝ նախկինում կատարված․ տեղեկացնում են ՀՀ ոստիկանությունից։
Մասնավորապես՝ անձնական ունեցվածքի գողության՝ 34, խարդախության և թմրամիջոցի հայտնաբերման` 10-ական, մարմնական վնասվածք պատճառելու՝ 6, յուրացնելու կամ վատնելու՝ 3, պետական-հասարակական ունեցվածքի գողության, գույքը դիտավորությամբ ոչնչացնելու, ընտանեկան բռնության ու սառը զենքի հայտնաբերման՝ 2-ական, կողոպուտի, բնակարանային գողության, ապօրինի կամ կեղծ ձեռնարկատիրության, զենք-զինամթերքի առգրավման, ապօրինի ծառահատման, կաշառակերության, պաշտոնեական կեղծիքի կամ անփութության, ծանր վիրավորանքի, բռնության կոչեր հրապարակելու, աշխատանքի պաշտպանության կանոնները խախտելու, ծնողի կամ այլ մերձավոր ազգականի և երեխայի միջև տեսակցության իրականացմանը խոչընդոտելու, պետական սահմանն ապօրինի հատելու ու առևտրային կամ այլ կազմակերպության ծառայողների կողմից լիազորությունները չարաշահելու և առողջությանը ծանր վնաս պատճառելու սպառնալիք տալու՝ 1-ական դեպք։
Հայտնաբերվել է 3 հետախուզվող։
Գրանցվել է զենք-զինամթերքի կամավոր հանձնման 5 դեպք։
Նախկինում կատարված հանցագործություններից բացահայտվել է անձնական ունեցվածքի գողության՝ 4, կողոպուտի, բնակարանային գողության և համակարգչային հանցագործության՝ 1-ական դեպք։
Անցած 1 օրվա ընթացքում հանրապետությունում արձանագրվել է ճանապարհատրանսպորտային 9 պատահար. 1 մարդ զոհվել է, 10-ը՝ ստացել տարբեր աստիճանի մարմնական վնասվածքներ:
