17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
Բնակարանը վաղուց վաճառվել է. Ալեն Սիմոնյանը հերքում է, թե հայտարարագիր ներկայացնելիս գույք է թաքցրել․ ՏԵՍԱՆՅՈՒԹ
Հասարակություն
01.02.2022 | 17:55
Մամուլում ԱԺ նախագահ Ալեն Սիմոնյանին վերագրվող գույքն այլևս նրան չի պատկանում։ Այսօր լրագրողների հետ ճեպազրույցում հայտնեց հենց ԱԺ նախագահ Ալեն Սիմոնյանը` հավելելով, որ հրապարակողները շտապել են ու լավ չեն ուսումնասիրել հարցը։
«Նշված գույքը 2012-15թթ. վաճառվել է։ Դա կոմունալ փոքր բնակարան էր` տատիկիս բնակարանը։ Երբ ես պաշտոնյա եմ եղել, այն վաղուց վաճառված է եղել, ու նշելու բան չի եղել, հիմա էլ չկա»,– ասաց Սիմոնյանը` պատասխանելով իր գույքի ու ունեցվածքի հայտարարագրի մասին հարցին։
Սիմոնյանը վստահեցրեց, որ իր ներկայացրած հայտարարագիրը որևէ հակասություն ունենալ չի կարող օրենքի հետ։
«Պաշտոնապես հայտարարում եմ, որևէ նման բան չկա»,- ասաց ԱԺ նախագահը` հավելելով, որ հարցը քննարկել է փաստաբանների հետ ու պատրաստվում է զրպարտության ու բանկային գաղտնիքի հրապարակման հայցով դիմել դատարան ու հերքում պահանջել։
Հիշեցնենք` «Փաստերի ստուգման հարթակը» գրել էր, որ ԱԺ նախագահն ու նրա կինը թաքցրել են իրենց անշարժ գույքի վերաբերյալ տեղեկությունների մի մասը։
Մանրամասները՝ տեսանյութում:
