10.09.2026 | 19:15
Առուշ Առուշանյանը Գորիսի ընտրություններում ՔՊ-ի թեկնածուն է
Նախագահի թեկնածուի վերաբերյալ մամուլի տեղեկությունը 99 տոկոսով ճիշտ է. Վահագն Հովակիմյան․ ՏԵՍԱՆՅՈՒԹ
Քաղաքականություն
01.02.2022 | 15:30
«Քաղաքացիական պայմանագիր» խմբակցությունն առաջիկայում իր դիրքորոշումը կհայտնի նախագահի՝ իր թեկնածուի վերաբերյալ. հնարավոր է, որ նախագահի թեկնածուի վերաբերյալ պաշտոնական հայտարարությունը լինի հենց այսօր: Այս մասին Factor.am-ի հետ զրույցում նշեց «Քաղաքացիական պայմանագիր» խմբակցության պատգամավոր Վահագն Հովակիմյանը՝ անդրադառնալով դիտարկմանը, որ իշխող քաղաքական թիմում քննարկումներ են ընթանում նախագահի թեկնածուի հարցի շուրջ:
Պատգամավորի խոսքով՝ նախագահի թեկնածուի վերաբերյալ մամուլում շրջանառվող տեղեկությունը չի հերքվել. «Այս դեպքում մամուլի տեղեկությունն 99 տոկոսով ճիշտ է»:
Անդրադառնալով հարցին, թե այլընտրանք չկար, որ «Քաղաքացիական պայմանագիրը», այսպես ասած, տերպետրոսյանական կադրի է ընտրել, Վահագն Հովակիմյանը պատասխանեց, որ այդ տրամաբանությամբ Հայաստանի 55 տարեկանից բարձր քաղաքական բոլոր գործիչներին պետք է պիտակավորել որպես «տերպետրոսյանական գործիչներ», ինչը սխալ մոտեցում է:
«Ինչ վերաբերում է կուսակցական պատկանելությանը, Վահագն Խաչատրյանը 2017-ից կուսակցական չէ: Մարդուն իր գործունեությամբ, իր անցած ճաապարհով ու իր վաստակով պետք է գնահատել, ոչ թե նրանով, թե որ թվին ում հետ է աշխատել: Այսօր պետական կառավարման համակարգում կան շատ լավ գործիչներ, որոնք աշխատել են, օրինակ, Քոչարյանի օրոք»,- ասաց պատգամավորը:
Մանրամասները՝ տեսանյութում:
