05.03.2026 | 14:58
Ոչինչ չի խանգարում, որ Սամվել Կարապետյանն էլ ուղիղ եթեր մտնի. Փաշինյան․ ՏԵՍԱՆՅՈՒԹ
Այսօր վերջին օրն է, երբ Արմեն Սարգսյանը կարող է ԱԺ-ից հետ վերցնել հրաժարականի դիմումը
Քաղաքականություն
31.01.2022 | 10:35
Հայաստանի Ազգային ժողովն Արմեն Սարգսյանից նախագահի պաշտոնից հրաժարական տալու դիմում
ը հետ վերցնելու դիմում չի ստացել։ Այս մասին Factor.am-ի հարցին ի պատասխան փոխանցեցին ԱԺ նախագահի աշխատակազմից։
Հիշեցնեք` նախորդ կիրակի Արմեն Սարգսյանն անակնկալ կերպով հայտնեց հրաժարականի մասին։ Ըստ Սահմանադրության, եթե նախագահը յոթ օրվա ընթացքում դիմումը հետ չի վերցնում, ապա խորհրդարանը սահմանված կարգով ընտրում է նոր նախագահ։
Խորհրդարանից փոխանցեցին, որ այսօր ամբողջ օրվա ընթացքում Արմեն Սարգսյանը ևս կարող է դիմումը հետ վերցնել։
Նշենք, որ իշխող Քաղաքացիական պայմանագիր կուսակցությունն արդեն իսկ ունի նախագահի իր թեկնածուն։ Փաշինյանի ղեկավարած ուժն, ըստ Փաշինյանի հիմնադրած լրատվամիջոցի, առաջադրելու է ԲՏԱ նախարար Վահագն Խաչատրյանին։
Այս տեղեկությունը ՔՊ֊ից պաշտոնապես չեն հաստատում։
Մինչ նախագահի ընտրությունը ՀՀ նախագահի լիազորությունները կփոխանցվեն ԱԺ նախագահ Ալեն Սիմոնյանին, իսկ նրան կփոխարինի ԱԺ փոխնախագահ Հակոբ Արշակյանը։
Ընդդիմադիրները, թեև հայտարարել են, որ նախագահի թեկնածու առաջադրելու գործընթացին մասնակից են լինելու, բայց թեկնածուի անունը դեռ չեն հայտնել։
Նարեկ Կիրակոսյան
