06.08.2026 | 14:00
Հարցազրույց չեմ տալիս, ցտեսություն. Հայկ Կոնջորյան․ ՏԵՍԱՆՅՈՒԹ
Թող ուշադի´ր լինեն. 44-օրյա պատերազմի մասնակից Էրիկի մաղթանքը զինվորներին. ՏԵՍԱՆՅՈՒԹ
Հասարակություն
28.01.2022 | 20:05
20-ամյա Էրիկ Մկրտչյանը վիրավորվել է 44-օրյա պատերազմում։ 1 տարի 3 ամսվա զինծառայող էր, երբ պատերազմի հենց առաջին օրը տեղափոխեցին Ջրական։ Այստեղ 19 օր կռվել է թշնամու դեմ, 2020-ի հոկտեմբերի 16-ին ողնուղեղի վնասվածք ստացել։
Հոսպիտալում առաջին բուժօգնություն ստանալուց հետո տեղափոխել են Ֆանարջյանի անվան Ուռուցքաբանության ազգային կենտրոն, հետո՝ Հայրենիքի պաշտպանի վերականգնողական կենտրոն։ Այստեղ նրան ջերմությամբ են ընդունել։ Ասում է՝ իրեն զգում է այնպես, ինչպես տանը։ Զինվորի տանը վերականգնողական ստացիոնար բուժում է ստանում շուրջ 7 ամիս։
Էրիկի մարզիչ Տիգրան Վարդանյանը նկատում է՝ մեկ ամսից ավելի միասին աշխատում են, դրական արդյունքներ արդեն իսկ արձանագրել են։
Էրիկը մինչև բանակ զորակոչվելը թիթեղագործ էր, ավտոմեքենաներ էր նորոգում։ Ասում է՝ պատերազմից ու վիրավորվելուց հետո նախասիրությունները փոխվել են, հիմա այլ հետաքրքրություն ունի․ «Սովորում եմ թվային մարքեթինգ, շատ է դուր գալիս ինձ»։
Եղբայրն արդեն ծառայում էր բանակում, երբ Էրիկը զորակոչվեց․ մեկ տարի միասին են ծառայել։ Ասում է՝ բանակ գնալիս ավելի վստահ էր, որովհետև գիտեր՝ որտեղ է ծառայելու, եղբայրն էլ իրեն էր սպասում։ 30-ամյա ԶՈՒ-ում ծառայող տղաներին Էրիկը մաղթում է բարի ծառայություն ու բարի վերադարձ․ «Խորհուրդ կտամ ուշադիր լինեն, հատկապես՝ դիրքերում, ու ամեն ինչ լավ կլինի»։
Մանրամասները՝ տեսանյութում։
Արփի Հակոբյան
