15.09.2026 | 22:23
Ֆուտզալի Հայաստանի հավաքականը ոչ-ոքի խաղաց Մոլդովայի հետ
Մորս անգամ չճանաչեցի. 44-օրյա պատերազմի մասնակից Կարենը դեռ բազմաթիվ վիրահատություններ պետք է տանի․ ՏԵՍԱՆՅՈՒԹ
Հասարակություն
28.01.2022 | 19:05
20-ամյա Կարեն Դանիելյանը ծառայել է Մարտունի 3-ում, 44-օրյա պատերազմին 10 ամսվա ժամկետային զինծառայող էր։ Պատերազմի ժամանակ ծանր վիրավորումը ստացել է Կարմիր Շուկայում։ Ասում է՝ ապրելու հավանականությունը քիչ էր․ «Աստված երկրորդ կյանք տվեց ինձ, առաքելություն ունեմ անելու»։
Կարենը 7 ամիս բուժվել է «Էրեբունի» ԲԿ-ում, ապա տեղափոխվել Հայրենիքի պաշտպանի վերականգնողական կենտրոն։ Բուժումը դրական ընթացք ունի, ինքն էլ գոհ է․ նշում է՝ կարևորը հիմա ամեն ինչ կարողանամ է ինքնուրույն անել։
Factor TV-ի տեսախցիկի առջև Կարենն անկեղծանում է․ վիրավորումից հետո անգամ մորը չի ճանաչել, հետո հիշողությունը հետզհետե վերականգնվել է։
Կարենը դեռ բազմաթիվ վիրահատություններ պետք է տանի, միայն դրանից հետո կմտածի աշխատելու մասին։ Ծրագրավորում է ուզում սովորել, եթե, իհարկե, հիշողությունը թույլ տա։
Բանակի կազմավորման 30-ամյակի առիթով մաղթանք է հղում զինվորներին՝ հանգիստ ծառայեն ու տուն վերադառնան։
Մանրամասները՝ տեսանյութում։
Արփի Հակոբյան
