Մարիո Ստեֆանո Պիետրոդարկին Պիացոլլայի «Ավե Մարիայի» կատարումը նվիրեց 44-օրյա պատերազմի զոհերի հիշատակին

Լուրեր

19.03.2024 | 01:15
Մի դեպքում ունենք երաշխիք, որ կլինի պայթյուն, մյուս դեպքում՝ երաշխիք չունենք. Փաշինյանը՝ «ինչ երաշխիք, որ 4 գյուղերը զիջենք» գյուղացու հարցին ի պատասխան. ՏԵՍԱՆՅՈՒԹ
19.03.2024 | 01:07
Մենք հիմա այստեղից կարող ենք դուրս գալ, ասել՝ չէ, դա նշանակում է, շաբաթվա վերջ պատերազմ է սկսվելու. ՏԵՍԱՆՅՈՒԹ
19.03.2024 | 00:58
Մենք այսօր միլիմետրի ճշգրտությամբ գիտենք՝ Հայաստանի սահմանները որտեղ են. Փաշինյանը՝ ոսկեպարցիներին. ՏԵՍԱՆՅՈՒԹ
18.03.2024 | 23:30
Թուրքիայում երկրպագուները ներխուժել են մարզադաշտ և հարձակվել ֆուտբոլիստների վրա․ ՏԵՍԱՆՅՈՒԹ
18.03.2024 | 23:30
Որոշել ենք գնալ այս հատվածներում սահմանի ճշգրտման՝ ոչ միայն հանուն Հայաստանի Հանրապետության, այլև կոնկրետ Ոսկեպար և Կիրանց գյուղերի անվտանգությունն ապահովելու. վարչապետ
18.03.2024 | 23:14
Երևանում և 7 մարզում էլեկտրաէներգիայի անջատումներ կլինեն
18.03.2024 | 22:54
Պատմության մեջ առաջին անգամ անցկացվել է մարտական սամբոյի կանանց առաջնություն. հայտնի են հաղթողները
18.03.2024 | 22:40
Հայաստանը հստակ դիրքորոշում ունի. նախագահն ընդունել է ֆրանսիացի մտավորականների
18.03.2024 | 22:24
Մեր քաղաքականությունն է` թույլ չտալ պատերազմի սկսում. Նիկոլ Փաշինյան
18.03.2024 | 22:19
Որ բանկերի քարտապանները մարտի 30-ից կարող են օգտվել հետվճարի ծրագրից
18.03.2024 | 22:00
Բաղդադի կողմից PKK-ի արգելքը հաղթանակ է Իրաքի և Թուրքիայի համար և նախազգուշացում Իրանին․ Al Monitor-ի անդրադարձը
18.03.2024 | 21:47
Հայաստանի և Մալթայի ԱԳՆ-ների միջև տեղի են ունեցել քաղաքական խորհրդակցություններ
18.03.2024 | 21:32
Բուլինգը՝ «3+1 խոզուկներ»-ի կերպարանքով․ ինչ է պատմում մանկական ինտերակտիվ ներկայացումը. ՏԵՍԱՆՅՈՒԹ
18.03.2024 | 21:22
ՄԱԿ-ում նախազգուշացրել են, որ մոտ շաբաթներին Գազայում սով է սպասվում
18.03.2024 | 21:10
«Մորթելու եմ»․ տղամարդը երեխայի ներկայությամբ է ծեծել նախկին կնոջը
Բոլորը

Տեղի է ունեցել իտալացի ակորդեոնահար և բանդոնեոնահար Մարիո Ստեֆանո Պիետրոդարկիի և Հայաստանի պետական սիմֆոնիկ նվագախմբի համերգը. հնչել են իտալական և արգենտինական երաժշտություն։ Երաժիշտները կատարել են Նինո Ռոտայի, Ջուզեպպե Սանգենիտիի, Աստոր Պիացոլլայի ստեղծագործություններից։ Համերգի ընթացքում ելույթ է  ունեցել նաև մեցցո-սոպրանո Սոֆիա Թումանյանը. տեղեկացնում են Հայաստանի պետական սիմֆոնիկ նվագախմբի լրատվական ծառայությունից:

«Հայաստանի պետական սիմֆոնիկ նվագախմբի գեղարվեստական ղեկավար ու գլխավոր դիրիժոր Սերգեյ Սմբատյանը նշեց, որ Մարիո Ստեֆանո Պիետրոդարկին Հայաստանի պետական սիմֆոնիկ նվագախմբի լավագույն ընկերներից է, Հայաստանում շատ սպասված երաժիշտ՝ փայլուն կատարողական վարպետությամբ։ Նա կարողանում է մեծ լիցքեր, էմոցիաներ հաղորդել նվագախմբին, ունկնդիրներին։ «Պիետրոդարկին ամեն անգամ Հայաստանում ներկայանում է նոր ծրագրերով։ Նա բանդոնեոնի մեծ վարպետ է, և որպես երաժիշտ կարող եմ ասել, որ նրա փոխանցած էմոցիոնալ ու հարուստ գունային երանգները մեծ հաճույք են պարգևում»,- ասաց Սերգեյ Սմբատյանը։

Երեկոյի ընթացքում հնչած որոշ ստեղծագործությունների փոխադրումներ, որոնք ի սկզբանե գրված չէին նվագախմբի համար, կատարել է կոմպոզիտոր, Սիմֆոնիկ նվագախմբի գեղարվեստական ծրագրերի համակարգող Վահագն Վարդանյանը։ Նա ընդգծեց, որ արդեն 4 տարի համագործակցում է Պիետրոդարկիի հետ, և իր փոխադրություններով երաժիշտը հանդես է եկել տարբեր երկրներում։

Աշխարհի 59 երկրում ելույթներ ունեցած Մարիո Ստեֆանո Պիետրոդարկին նշեց, որ իր համար միշտ էլ առանձնակի հաճելի է Հայաստանում գտնվելը, և ամեն անգամ փորձում է նոր ծրագիր ներկայացնել հայ երաժշտասերներին. «Այս անգամ ես հանդես եմ գալիս «La Nuova Dolce Vita» խորագրով համերգով, որը մի գեղեցիկ ճամփորդություն է Իտալիայից Բուենոս Այրես»։ Նա նաև ընդգծեց, որ իր համար մեծ հաճույք է Հայաստանի պետական սիմֆոնիկ նվագախմբի և մաեստրո Սերգեյ Սմբատյանի հետ համագործակցությունը։

Երեկոյի ընթացքում Պիետրոդարկին և նվագախումբը Աստոր Պիացոլլայի «Ավե Մարիա» ստեղծագործության կատարումը նվիրեցին 44-օրյա պատերազմի զոհերի հիշատակին։

Նշենք նաև, որ համերգի ընթացքում ազդարարվեց Հայաստանի պետական սիմֆոնիկ նվագախմբի և Evocabank-ն նոր նախաձեռնության՝ ավանդ Symphonic-ի մասին, որի նպատակն է նպաստել մեր երկրում դասական երաժշտության զարգացմանն ու Սիմֆոնիկ նվագախմբի առաջընթացին»,- ասված է հաղորդագրությունում: