19.05.2026 | 18:15
Սամվել Կարապետյանը՝ ФСБ-ի հետ կապի մասին // Օվերչուկը հայտարարել է՝ կքննարկեն ԵՏՄ-ում ՀՀ-ի կարգավիճակը․ ԼՈՒՐԵՐ
Թուրքական ընկերությունն առաջիկայում Ղազախստանին հարվածային ԱԹՍ-ներ կմատակարարի
Քաղաքականություն
27.01.2022 | 21:25
Թուրքական օդատիեզերական Türk Havacılık ve Uzay Sanayii AŞ (TUSAŞ) ընկերությունը առաջիկա ամիսներին ժամանակակից հարվածային Anka անօդաչու թռչող սարքեր կմատակարարի Ղազախստանին, գրում է Անադոլու գործակալությունը։
TUSAŞ-ի գլխավոր տնօրեն Թեմել Քոթիլը Anadolu-ին տված հարցազրույցում ասել է, որ Anka անօդաչու թռչող սարքերի խմբաքանակն արդեն առաքվել է Թունիս, իսկ հաջորդը Ղազախստանն է։ Նրա խոսքով՝ բանակցություններ են ընթանում հարվածային անօդաչուների մասով նաև այլ երկրների հետ։
«Թուրքիան այսօր կախված չի արտասահմանյան տեխոնոլոգիաներից ԱԹՍ-ի մշակման հարցում։ Anka-ի շարժիչը ևս արտադրվում է մեր երկրում։ Անօդաչուների նկատմամբ պահանջարկը մեծ է»,-ասել է Քոթիլը։
Թուրքական ընկերության գլխավոր տնօրենը նաև հայտնել է, որ Anka անօդաչուների կատարելագործումը չի դադարում և բարեկամ երկրները ևս կարող են օգտվել անօդաչու թռչող սարքերի զանգվածային արտադրությունից։
Էմմա Չոբանյան
