18.08.2026 | 17:41
Հայտնի է «Ուժեղ Հայաստանի»՝ Եվրաինտեգրման հարցերի մշտական հանձնաժողովի նախագահի թեկնածուի անունը
Թուրքիայի հետ սպառնալիքո՞վ պետք է խոսենք. Գագիկ Մելքոնյան. ՏԵՍԱՆՅՈՒԹ
Քաղաքականություն
27.01.2022 | 17:49
«Եթե ընդդիմությանը լսենք, պետք է ձեռքներս բարձրացնենք ու հանձնվենք»,- այս մասին Factor.am-ի հետ զրույցում նշեց «Քաղաքացիական պայմանագիր» խմբակցության պատգամավոր Գագիկ Մելքոնյանը՝ անդրադառնալով դիտարկմանը, որ վարչապետ Նիկոլ Փաշինյանին ընդդիմությունը քննադատում է՝ կարծիք հայտնելով, որ առանց ժողովրդի տեսակետը հարցնելու՝ գնում է Թուրքիայի հետ հարաբերությունների կարգավորման:
«Ի՞նչ պետք է անի, բոլոր հանդիպումներից առաջ ո՞ւմ՝ ընդդիմությանը հարցնի վարչապետը: Ժողովուրդը քվեն տվել է վարչապետին, վարչապետն այդ քվեով աշխատում է: Որպեսզի պետությանը վնաս չտան, մենք պետք է մտածենք պետության մասին: Թուրքիայի հետ մենք ի՞նչ ձևով կարող ենք խոսել, սպառնալիքո՞վ, 100 տարի խոսել ենք սպառնալիքով, ինչի՞ ենք հասել: Վերջապես մենք պետք է հասկանանք, որ մենք երկիր ենք,պետություն ունեք և ունենք հարևան պետություններ, որոնց հետ պետք է խոսենք:
Դիտարկմանը, որ ընդդիմության կարծիքով Հայաստանի իշխանությունը ոչ թե երկխոսում է, այլ խաղաղություն է մուրում, Մելքոնյանն արձագանքեց. «Մենք չունենք ընդդիմություն, մենք ունենք ռևանշիստներ և Թուրքիայի ու Ադրբեջանի գործակալներ»:
Մանրամասները՝ տեսանյութում:
