Քաղաքականություն
27.01.2022 | 16:51«Նորանկախ Հայաստանի պատմության բոլոր իշխանությունները կողմնակից են եղել Թուրքիայի հետ հարաբերությունների կարգավորմանը՝ առանց նախապայմանների»,- խորհրդարանում լրագրողների հետ զրույցում ասաց ԱԺ Արտաքին հարաբերությունների մշտական հանձնաժողովի նախագահ, «Քաղաքացիական պայմանագիր» խմբակցության պատգամավոր Էդուարդ Աղաջանյանը:
«ՀՀ բոլոր իշխանությունների ժամանակ Հայոց ցեղասպանության ճանաչման հարցը երբևէ չի դիտարկվել որպես Թուրքիայի հետ հարաբերությունների կարգավորման նախապայման: Այս առումով միանշանակորեն կիսում եմ վաչապետի դիրքորոշումը»,- նշեց Աղաջանյանը:
Հիշեցնենք՝ վարչապետ Նիկոլ Փաշինյանն իր վերջին ասուլիսում նշել էր. «ՀՀ-ն երբեք Հայ դատի քաղաքականություն չի վարել․․․ Ի վերջո պետք է խոստովանել, որ Ցեղասպանության ճանաչման գործընթացի շարժիչ ուժը միշտ էլ եղել են Սփյուռքը և Սփյուռքի կազմակերպությունները»։
Մանրամասները՝ տեսանյութում:
