06.06.2026 | 11:21
ԿԸՀ-ն բավարարել է պատգամավորի 6 թեկնածուի անձեռնմխելիությունից զրկելու միջնորդությունը. նրանց ձերբակալելու որոշում է կայացվել
«Ներդրողներին շատ գրավիչ պայմաններ ենք տալիս». Վահան Քերոբյան. ՏԵՍԱՆՅՈՒԹ
Տնտեսություն
27.01.2022 | 11:40
ՀՀ էկոնոմիկայի նախարար Վահան Քերոբյանը Կառավարության նիստին տնտեսության արդիականացման միջոցառում իրականացնելու վերաբերյալ նախագիծ ներկայացրեց։ Նրա համոզմամբ՝ Հայաստանի տնտեսությունն արտադրողականության բարձրացման կարիք ունի։
«Այս նախագիծը կօգնի, որ տնտեսվարողները կարողանան փոխել իրենց սարքավորումները, մոդեռնիզացնել իրենց հոսքագծերը։ Առաջարկում ենք տնտեսվարողներին սարքավորումների համար վարկերի և լիզինգների սուբսիդավորում մինչև 10 միլիարդ դրամ»,- ասաց Քերոբյանը՝ հավելելով, որ սուբսիդավորվում է սարք-սարքավորումների բաղկացուցիչ մասերի 7 տոկոսը՝ վարկի պարագայում և 10 տոկոսը՝ լիզինգի պարագայում։
Նախարարի համոզմամբ՝ սա մեծ քայլ է, որը խթանելու ներդրումները Հայաստանում։
«Այն վարկերը, որ սուբսիդավորում ենք, իրենց էությամբ ներդրումներ են։ Այսպիսի գործիքակազմ կիրառելով՝ մենք բոլոր պոտենցիալ ներդրողներին հրավիրում ենք ներդրումներ անելու և տալիս ենք նրանց շատ գրավիչ պայմաններ։ Խոստացել ենք Կառավարության ծրագրում ներդրումների ծավալը հասցնել ՀՆԱ-ի 25 տոկոսին, սա համարում ենք այդ նպատակին հասնելու կարևոր գործիքներից մեկը»,- նշեց Քերոբյանը։
Մանրամասները՝ տեսանյութում:
