29.06.2026 | 09:53
ՀՀ տարածքում ավտոճանապարհներն անցանելի են
Արմեն Սարգսյանը հոգով ավելի շատ Անգլիայի քաղաքացի է եղել, քան Հայաստանի․ Հովիկ Աղազարյան․ ՏԵՍԱՆՅՈՒԹ
Քաղաքականություն
26.01.2022 | 15:07
«Մտավախություն ունեմ, որ հրաժարականը կապված է Ուկրաինայում ընթացող դեպքերի հետ, որը վատ ազդակ է»,- անդրադառնալով ՀՀ նախագահ Արմեն Սարգսյանի հրաժարականին՝ այս մասին կարծիք հայտնեց «Քաղաքացիական պայմանագիր» խմբակցության պատգամավոր Հովիկ Աղազարյանը:
«Կան կենդանիներ, որոնք բնական կատակլիզմների ժամանակ շատ շուտ դա զգում են և հեռանում են»,- նշեց պատգամավորը: Հարցին, թե Արմեն Սարգսյանը գնաց՝ ինչ-որ խնդիրներից խուսափելո՞ւ համար, պատգամավորն արձագանքեց, որ ոչինչ տեղի չի ունեցել, օրինակ, ո՛չ 10 օր առաջ, ո՛չ 2 ամիս առաջ, որը կահազանգեր այդ մասին:
«Այո՛, պատերազմից հետո մի քիչ քաղաքական փոխհրաձգություն եղավ, վարչապետի հրաժարականը պահանջեց պարոն Սարգսյանը, բայց հետո երբ մեր քաղաքական թիմը որոշում կայացրեց գնալ արտահերթ ընտրությունների , կրքերը հանդարտվեցին, ոչինչ չէր ահազանգում այս իրավիճակի մասին:
Աշխարհաքաղաքական առումով միակ իրողությունն այն է, որ Ուկրաինայի շուրջ լարվածությունը մեծանում է, և Սարգսյանն էլ, ունենալով Անգլիայի հետ շատ կապեր, կարող է պատահի, որ դրանով պայմանավորված է հրաժարական տվել. սա իմ ենթադրությունն է»,- նշեց Աղազարյանը:
Նա նաև կարծիք հայտնեց, որ Արմեն Սարգսայնը հոգով ավելի շատ Անգլիայի քաղաքացի է եղել, քան Հայաստանի:
Մանրամասները՝ տեսանյութում:
