15.09.2026 | 21:11
Ալիևը Եվրախորհրդարանը «կոռուպցիոներների որջ» է անվանել ու եվրոպական կառույցներին մեղադրել ՀՀ-ին աջակցելու մեջ
Դպրոցն ավարտելիս մնում ենք «կիսամարդ»․ ի՞նչ փոփոխություններ են նախատեսվում հանրակրթության օրենքում. ՏԵՍԱՆՅՈՒԹ
Հասարակություն
25.01.2022 | 14:00
Ազգային ժողովում այսօր մեկնարկել են «Հանրակրթության մասին» օրենքում փոփոխությունների վերաբերյալ խորհրդարանական լսումները։
ԿԳՄՍ նախարարի տեղակալ Ժաննա Անդրեասյանը ելույթի սկզբում նշեց, որ բոլոր մասնակիցների ելույթները լսելու են առաջիկա փոփոխություններում ներառելու համար, քանի որ կարևոր է ոչ միայն կատարել փոփոխություններ, այլև՝ փոփոխությունները լինեն մտածված և որակյալ։
Ժաննա Անդրեասյանի խոսքով, եթե աշակերտները 12-ամյա կրթություն ստանան ու լավ սովորեն, կարողությունները կկարողանան իրականացնել 57 %-ով:
«Այսինքն դպրոցի ավարտին մնում ենք «կիսամարդ» կամ «կիսաքաղաքացի»՝ մեր չիմացվածությամբ։ Այն արդյունքը, որին հասնում ենք երեխաների կյանքի 12 տարին վերցնելով, նրանք կարող էին ստանալ շուրջ ինը տարում։ Ի՞նչ ենք անում մեր երեխաների կյանքի երեք և ավելի տարիների հետ, որ վերցնում ենք դպրոցում և ոչինչ չենք տալիս։ Մինչև քսան առարկա ենք անցնում միջին դպրոցում, ամեն առարկան այն կենտրոնն է, որի շուրջ պտտում ենք երեխային ու ամեն տարի նոր ջերմեռանդությամբ խոսում նոր առարկա ներդնելու մասին՝ մոռանալով որ կարևորը առարկան չէ, երեխան է»,- նշեց փոխնախարարը:
Անդրեսայանը ներկայացրեց հանրակրթության ոլորտում առկա խնդիրները և անդրադարձավ հանրակրթության օրենքում նախատեսվող փոփոխություններին:
Մանրամասները՝ տեսանյութում:
