Աչք փակեցիք ձեր թեկնածուի կեղծ փաստաթղթերի վրա․ դուրս եկեք կրկնակի ստանդարտներից․ Լիլիթ Գալստյան․ ՏԵՍԱՆՅՈՒԹ

ԱԺ-ն քննարկում է ՀՌՀ անդամի պաշտոնում Ռուբեն Հակոբյանի թեկնածությունը:

«Ամբողջ դիսկուրսը, որին վերածվել է մեր ԱԺ-ն, իսկապես նման է  մանկական խաղին, թե ով վերջինը կխփի. վստահ եմ՝ դպրոցում, մանկապարտեզում և դեպի հասունացման ճանապարհին անցել եք այդ մանկական փուլը՝ ով ասաց, ով տակ չմնաց: Այս մասին այսօր ԱԺ գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովում նշեց  «Հայաստան» խմբակցության պատգամավոր Լիլիթ Գալստյանը:

Լիլիթ Գալստյանը շեշտեց, որ հանրային ազդակները բացարձակապես ԱԺ-ի օգտին չեն:

«Մի կողմում տեսնելով օրեցօր կործանվող պետականությունը, գրեթե օկուպացված Հայաստանը, թողնելով կարևոր կենսական օրակարգեր, ԱԺ-ում շարունակ ընթանում է մի մանկական դիսկուրս: Դրան զուգահեռ ունենք կործանվող Հայատան: Եվ հանկարծ պարզվում է, որ մեր երկրի նախագահը մի քանի երկրների քաղաքացի է եղել»:

Ընդդիմադիր պատգամավորի խոսքով՝ քաղաքական մեծամասնությունը խարխափում է կրկնակի ստանդարտների մեջ:

«Հանձնաժողովի ՔՊ անդամները Ռուբեն Հակոբյանի թեկնածության քննարկման ժամանակ նշեցին, որ «Տեսալսողական մեդիայի մասին» օրենքի իմացության հարցը չքննարկվեց, այն դեպքում, երբ մեկ օր առաջ ՔՊ քվոտայով արդեն ՀՌՀ անդամ դարձած Արթուր Մանուկյանը ԱԺ-ում հայտարարեց, որ օրենքը չգիտի, կընտրվի՝ կսովորի:

Գալստյանը նաև նկատեց, որ ՔՊ պատգամավորները հանձնաժողովում խոսում են Ռուբիկ Հակոբյանի ոչ կոռեկտ արտահայտվելու մասին, այն դեպքում, երբ իրենց թեկնածուն «Յոժի»՝ Սերգեյ Դանիելեյանի հետ ոչ ցենզուրայի մեջ արտահայտություններով տեսահոլովակում է նկարահանվում:

«Աչք փակեցիք ձեր թեկնածուի՝ Արթուր Մանուկանի կեղծ փաստաթղթերի վրա»,- նշեց Գալստյանը և կոչ արեց կրկնակի ստանդարտներից դուրս գալ:

Մանրամասները՝ տեսանյութում: