15.09.2026 | 21:11
Ալիևը Եվրախորհրդարանը «կոռուպցիոներների որջ» է անվանել ու եվրոպական կառույցներին մեղադրել ՀՀ-ին աջակցելու մեջ
Նախագահ կլինի ՔՊ-ի թեկնածուն. Գևորգ Պապոյան․ ՏԵՍԱՆՅՈՒԹ
Քաղաքականություն
25.01.2022 | 11:27
Այս պահին Հայաստանը գործող ընթացակարգով փաստացի ունի նախագահ, ԱԺ ճեպազրույցների ժամանակ ասաց «Քաղաքացիական պայմանագիր» խմբակցության պատգամավոր Գևորգ Պապոյանը՝ անդրադառնալով հարցին, թե արդյոք «Քաղաքացիական պայմանագիրն» արդեն ունի նախագահի թեկնածու:
Պատգամավորի խոսքով՝ դեռևս հինգ-վեց օր ժամանակ կա ու այդպիսի իրավիճակում ժամանակավրեպ է քննարկել նախագահի թեկնածուի հարցը:
«Օրենքը հնարավորություն է տալիս դիմումը հետ վերցնելու, հետևաբար կանդրադառնանք այն պահին, երբ պաշտոնը թափուր կլինի, իսկ պաշտոնն այս պահին թափուր չէ», – նշեց «Քաղաքացիական պայմանագիր խմբակցության պատգամավոր Վահագն Հովակիմյանը:
ՔՊ խմբակցության քարտուղար Արթուր Հովհաննիսյանը հավելեց, որ քանի դեռ ՀՀ նախագահը դիմումը հետ վերցնելու հնարավորություն ունի, խմբակցությունում դեռևս քննարկում չկա: «Կան որոշակի քննարկումներ մոտեցումների ու չափանիշների հետ, բայց դրանք որևէ կերպ թեկնածուի քննարկում չի կարելի անվանել», – նշեց նա:
Գևորգ Պապոյանը հայտարարեց, որ նախագահը կլինի ՔՊ թեկնածուն. «ՀՀ հաջորդ նախագահը կլինի այն մարդը, ում կընտրի ՔՊ-ի ղեկավար ֆորմատն ու խմբակցությունը»:
Մանրամասները՝ տեսանյութում:
