29.06.2026 | 12:45
ԲՀԿ-ի համար պետք է կիրառելի լիներ ոչ թե 4 տոկոսի շեմը, այլ 8 կամ 10 տոկոսի շեմը. Սուրեն Գրիգորյան․ ՏԵՍԱՆՅՈՒԹ
Բացառում եմ նախագահի վրա ճնշումը. այս շրջանում «փոխհրաձգություն» չի եղել այդ ինստիտուտի հետ. Թորոսյան. ՏԵՍԱՆՅՈՒԹ
Քաղաքականություն
24.01.2022 | 15:51
«Ինձ համար տարօրինակ են բերված փաստարկները նախագահի սահմանադրական լիազորությունների մասով»,- այս մասին լրագրողների հետ ճեպազրույցում նշեց «Քաղաքացիական պայմանագիր» խմբակցության պատգամավոր Արսեն Թորոսյանը՝ անդրադառնալով ՀՀ նախագահ Արմեն Սարգսյանի հրաժարականին։
«Հանրապետւթյան նախագահը փոփոխված Սահմանադրությամբ լրիվ ուրիշ կարգավիճակով պետական պաշտոնյա է. կարծում եմ՝ դա հայտնի էր թե՛ նախագահ ընտրվելիս, թե՛ վերջին 4 տարիներին։ Շատ տարօրինակ է, երբ դա մեջբերվում է որպես փոփոխություններ անելու խոչընդոտ։
Խորհրդարանական կառավարմամբ շատ երկրներում նախագահները կա՛մ արարողակարգային, կա՛մ ճգնաժամային իրավիճակներում բալանս պահելու ֆունկցիա ունեն, ոչ ավելին»,- նշեց Թորոսյանը՝ հավելելով, որ նույնը վերաբերում է նաև արտաքին քաղաքականությանը։
«Բայց ես, իհարկե, հարգում եմ Արմեն Սարգսյանի որոշումը»,- ընդգծեց Թորոսյանը:
Նա նաև հավելեց, որ բացառում է նախագահի վրա ճնշումը. «Այս շրջանում «փոխհրաձգություն» չի եղել այդ ինստիտուտի հետ»:
Մանրամասները՝ տեսանյութում:
