15.01.2025 | 02:30
Միրզոյանն ու Բլինքենը նաև քննարկել են ՀՀ-ԵՄ գործընկերության խորացմանը միտված գործընթացը
Շուշին և Հադրութը հետ բերելու հույսերը սին չեն. Սեյրան Օհանյան. ՏԵՍԱՆՅՈՒԹ
Քաղաքականություն
21.01.2022 | 12:14
«Սահմանագծման և սահմանազատման համար թշնամի պետությունները պետք է վերածվեն հարևան պետությունների, ստեղծվի հարևան պետությունների կառավարությունների խառը հանձնաժողով և տարվի համապատասխան աշխատանք: Այդ հանձնաժողովը պետք է ամբողջությամբ վեր հանի խորհրդային ժամանակահատվածում գոյություն ունեցող իրավապայմանագրային ամբողջ փաթեթը։
Միայն լիարժեք և խորաթափանց քննարկումներից հետո կարելի է որոշել, թե որտեղով և ինչպես պետք է անցնի այդ սահմանը։ Իսկ այս պարագայում հայելային հետքաշում ասածն, իմ համար, մերկապարանոց, անիմաստ խոսակցություն է», – ԱԺ-ում լրագրողների հետ զրույցում ասաց «Հայաստան» խմբակցության ղեկավար Սեյրան Օհանյանը։
Նրա խոսքով՝ պետք է ամեն ինչ անել խաղաղության գնալու համար, բայց չպետք է խաղաղության գնալ մեր շահերի, մեր պատմական հող ու ջրի հաշվին:
«Տեսականորեն հնարավոր է, որ վերականգնվեն Արցախի Հանրապետության ժողովրդի իրավունքները Հադրութում, Շուշիում, մասամբ նաև Մարտունի, Ասկերան, Մարտակերտ հատվածներում, դրա համար պետք է բանակցել»,- նշեց Օհանյանը՝ ընդգծելով, որ այդ հատվածները բերելու հույսերը սին չեն, և պետք է բանակցային գործընթացում ձգտել դրան:
Մանրամասները՝ տեսանյութում:
