01.03.2026 | 18:28
Բավրայի մաքսային անցման կետը բաց է բոլոր տեսակի տրանսպորտային միջոցների համար
Տեռորի զոհ է դառնում լրագրողական համայնքը. դիմելու եմ միջազգային կառույցներին. Գեղամ Մանուկյան. ՏԵՍԱՆՅՈՒԹ
Քաղաքականություն
21.01.2022 | 11:40
«Սիրելի՛ գործընկերներ, Հայաստանում տևական ժամանակ է սկսվել է ձեր նկատմամբ տեռոր, հարձակվում են, ամենավերջին բառերն են ասում: Սրա դեմը չառնելու դեպքում, նույն կերպ, ինչպես դատարանների շենքերն էին շրջափակում, ձեր խմբագրություներն են շրջափակելու, օրինակներն էլ կան»,- դիմելով լրագրողական համայնքին՝ այդ թվում նաև ԱԺ օթյակում նստած լրագրողներին՝ այս մասին ԱԺ ամբիոնից նշեց «Հայաստան» խմբակցության դաշնակցական պատգամավոր Գեղամ Մանուկյանը:
«Մեկ-երկու անհանգստացնող հայտարարություններից բացի՝ որևէ քայլ չեք արել, կտրուկ գործողությունների չեք դիմում: Այսպես անհնար է շարունակել: Դուք տեռորի զոհ եք դառնում, տեռորի զոհ է դառնում հասարակությունը: Երեք տարի առաջ Հայաստանի լավագույն լրագրողներից մեկն ասաց՝ չեմ գրում: Հոգեբանական տեռորի ազդեցության տակ մարդը որոշել էր, որ ավելի լավ է չխոսի, չգրի:
Որպես ԱԺ պատգամավոր՝ դիմելու եմ միջազգային կառույցներին, սա վտանգավոր ընթացք է մեր երկրում»,- ասաց պատգամավորը:
Դիմելով քաղաքական մեծամասնությանը՝ Մանուկյանը նշեց. «Հիշե՛ք, վաղը կարող է իշխանության չլինեք, վաղը իշխանության չլինելով՝ դուք էլ կարող է պաշտպանության կարիք ունենանք, հանուն բոլորի մի՛ թույլ տվեք այդ տեռորը»:
«Լրագրողակա՛ն համայնք, դուք այսօր ուղղակի տեռորի զոհ եք դառնում, չմբոստանաք դրա դեմ, շատ ավելի վատ է լինելու»,- ընդգծեց պատգամավորը:
Մանրամասները՝ տեսանյութում:
