05.08.2026 | 12:44
Նեթանյահուն մերժել է Թրամփի առաջարկած Գազայի ծրագիրը և հրաժարվել զորքերը դուրս բերել՝ մինչև ՀԱՄԱՍ-ի զինաթափումը
Արարատ Միրզոյանը ստացել է Չավուշօղլուի՝ Անթալիայի դիվանագիտական ֆորումին մասնակցելու հրավերը․ Վահան Հունանյան
Քաղաքականություն
20.01.2022 | 18:50
ՀՀ ԱԳ նախարար Արարատ Միրզոյանը ստացել և շարունակում է ստանալ այս տարվա ընթացքում տարատեսակ միջոցառումների, այդ թվում՝ Անթալիայի դիվանագիտական ֆորումին մասնակցության հրավերներ։ Factor.am-ի հարցին, թե արդյոք Հայաստանը ստացել է Անթալիայի դիվանագիտական ֆորումին մասնակցելու Թուրքիայի հրավերը, այսպես է պատասխանել Արտաքին գործերի մամուլի խոսնակ Վահան Հունանյանը։
«ՀՀ ԱԳ նախարարությունը համապատասխան ընթացակարգով քննարկում է նախարարի՝ վերոնշյալ միջոցառումներին մասնակցության նպատակահարմարությունը։ Հանրությունը պատշաճ կերպով կտեղեկացվի կայացվելիք որոշումների մասին»,- ասել է նա։
Հիշեցնենք, որ Թուրքիայի արտգործնախարար Մևլութ Չավուշօղլուն հայտարարել էր Հայաստանին Անթալիայի դիվանագիտական ֆորումին հրավիրելու մասին։
«Մարտի 11-ից 13-ը 2-րդ անգամ անցկացվող դիվանագիտական ֆորումին Լատինական Ամերիկայից էլ լայն մասնակցություն է լինելու: Աշխարհի բոլոր տեղերից բոլորին հրավիրում ենք: Այս պահին իրենց մասնակցությունը հաստատել են արդեն 39 ԱԳ նախարարներ: Հրավիրել ենք Հայաստանին, Հունաստանին, Կիպրոսի հունական հատվածին, Իսրայելին, Եգիպտոսին»,- Անկարայի համալսարանում տեղի ունեցած Լատինական Ամերիկայի դեսպանների հետ հանդիպման ժամանակ ասել էր նա։
Հռիփսիմե Հովհաննիսյան
