06.10.2026 | 19:00
Իրանը կխոչընդոտի «Թրամփի ուղուն», եթե ԱՄՆ-ն պարտադրի ՀՀ-ին՝ միանալ Թեհրանի դեմ պատժամիջոցներին. Արմեն Պետրոսյան․ ՏԵՍԱՆՅՈՒԹ
Տորֆավան գյուղում կատարված դանակահարությունը ժամեր անց բացահայտվել է. ՏԵՍԱՆՅՈւԹ
Հասարակություն
20.01.2022 | 23:18
Հունվարի 16-ին Գեղարքունիքի մարզի Տորֆավան գյուղում դանակահարություն էր եղել: Հիվանդանոցից մարմնական վնասվածքի վերաբերյալ հաղորդումը ոստիկանության Վարդենիսի բաժնում ստացվեց ժամը 18.30-ի սահմաններում. հերթապահ քույրը հայտնում էր, որ որովայնի և ձախ նախաբազկի ծակած-կտրած վերքով 49-ամյա մի տղամարդ է տեղափոխվել բժշկական կենտրոն. տեղեկացնում են ՀՀ ոստիկանությունից:
Հիվանդանոց մեկնած ոստիկաններն արձանագրեցին վնասվածք ստացողը երբ, որտեղից, ինչ ախտորոշմամբ էր տեղափոխվել բժշկական կենտրոն։ Անհրաժեշտ արձանագրություններ կազմելուց հետո օպերատիվ խումբը մեկնեց Տորֆավան: Օպերատիվ հարցումների արդյունքում պարզվեց, որ մեքենայի առուվաճառքի շուրջ ծագած վիճաբանության ժամանակ տուժողին դանակահարել էր Վարդենիս քաղաքի 49-ամյա մի բնակիչ։ Բացատրական աշխատանքի շնորհիվ նա ներկայացավ ոստիկանության Վարդենիսի բաժին։
Դեպքի առթիվ հարուցվել է քրեական գործ։
49-ամյա տղամարդը ձերբակալվել է։
Նախաքննությունը շարունակվում է։
