06.06.2026 | 17:34
Աննախադեպ կարկուտի պատճառով Ստեփանավանի համայնքապետարանն անցել է արտակարգ ռեժիմի. հայտարարություն
Այսօր ծանր որոշում ենք կայացրել. Նիկոլ Փաշինյան. ՏԵՍԱՆՅՈՒԹ
Քաղաքականություն
20.01.2022 | 12:04
Կառավարությունը վերանայեց արտերկրում ծառայող դիվանագետների փոխհատուցման ներկայիս չափերը:
«Սոցիալական հարցերի լուծումը նույնպես ռազմավարական առաջնահերթություն է, բայց մենք սոցիալական պրոբլեմները համարում ենք պետության ինստիտուցիոնալ չկայացածության հետևանք»,- նշեց վարչապետ Նիկոլ Փաշինյանը:
Նրա խոսքով՝ դիվանագիտական ծառայության կազմակերպման գործում կան խորշեր։
«2018-19 թթ դրությամբ դիվանագիտական ծառայության օղակներ ենք ունեցել, որոնք ֆինանսավորվել են ինչ-որ անհատ անձանց գրպանից, այսինքն՝ դեսպանատունը ֆինանսավորվում է անհատի գրպանից։ Մենք այսօր շատ ծանր որոշում ենք կայացրել և որոշել ենք, որ պետք է մեր երկրի ինստիտուցիոնալ բացերը լուծենք և առաջին հերթին զբաղվենք դրանով։ Շատ հաճախ քննադատում ենք մեր դիվանագիտական ծառայությանը, բայց հարց տվե՞լ ենք, թե իրենք ինչ միջավայրում են աշխատում։ Թեկուզ մեր քաղաքական կապիտալը զրոյացնելու հաշվին պետք է ՀՀ-ում պետական ինստիտուտների և պատական համակարգի կայացման ճանապարհով գնանք։ Լինելու են քննադատություններ, շահարկումներ, մենք ոչ մի քննադատություն չենք արհամարհում, բայց մենք ունենք կամք՝ մեր անելիքն անելու, և մենք մեր անելիքն անելու ենք», – հայտարարեց վարչապետը։
Այսպիսով, կարգավորումը թույլ կտա ապահովել ոչ միայն դիվանագետի և նրա ընտանիքի տեղափոխման ընթացքում առաջացած ծախսերը (ուղեբեռի գումար), այլև սկզբնական ընթացիկ ծախսերը հոգալ գործուղման առաջին ամսվա ընթացքում՝ մինչև իր հասանելիք վճարումները ստանալը։
Մանրամասները՝ տեսանյութում:
