06.06.2026 | 11:21
ԿԸՀ-ն բավարարել է պատգամավորի 6 թեկնածուի անձեռնմխելիությունից զրկելու միջնորդությունը. նրանց ձերբակալելու որոշում է կայացվել
Դիվանագետներին տրվող գումարի չափը բարձրացվում է. Արարատ Միրզոյան. ՏԵՍԱՆՅՈՒԹ
Քաղաքականություն
20.01.2022 | 11:44
Կառավարությունը փոփոխություններ է կատարում արտերկրում ծառայող դիվանագետներին տրվող փոխհատուցման չափերում:
ՀՀ ԱԳ նախարար Արարատ Միրզոյանն այսօր կառավարության հերթական նիստում նշեց, որ գործող կարգը հաստատվել է 2014թ-ին ու մինչ օրս չի վերանայվել:
«Պայմանավորված քաղաքական, տնտեսական, ֆինանսական այլ գործոններով՝ այժմ ունենք մի իրավիճակ, որ բազմաթիվ երկրներում մեր կողմից տրվող փոխհատուցումը նույնիսկ չի համապատասխանում տվյալ երկրում անհրաժեշտ նվազագույն ծախսերին և կենսամակարդակին»,- ասաց ՀՀ արտաքին գործերի նախարար Արարատ Միրզոյանը:
Նա նշեց, որ ազգային ինդեքսի հիմքում ընկած է ՄԱԿ-ի համապատասխան ինդեքսը, որի հետ կապված իրականացրել են որոշակի սրբագրումներ, և առաջարկվող ինդեքսը ստուգվել և հավանության է արժանացել ՄԱԿ-ի միջազգային քաղաքացիական ծառայության հանձնաժողովի ներկայացուցչի կողմից:
«Նաև պետք է նշեմ, որ մենք, ըստ էության, այս ծախսերը նախատեսել ենք ընթացիկ տարվա պետական բյուջեում»,- նշեց Միրզոյանը:
Մանրամասները՝ տեսանյութում:
