25.06.2026 | 04:04
ԱԱ-2026. Բրազիլիան հաղթեց խոշոր հաշվով, Մարոկկոն ևս փլեյ-օֆֆում է. ՏԵՍԱՆՅՈՒԹ
ՀՀ և Ադրբեջանի միջև սահմանազատման հարցերով հանձնաժողովը դեռևս չի ձևավորվել. ԱԳՆ խոսնակ
Քաղաքականություն
19.01.2022 | 16:04
«Հայաստանի և Ադրբեջանի միջև պետական սահմանի դելիմիտացիայի և դեմարկացիայի հարցերով երկկողմ հանձնաժողովը դեռևս չի ձևավորվել»,-Factor TV-ի հարցին ի պատասխան այսօր հայտնեց ԱԳՆ խոսնակ Վահան Հունանյանը։
«Դրա ձևավորման վերաբերյալ նոր տեղեկության առկայության դեպքում հանրությունն այդ մասին պատշաճ կիրազեկվի»,-վստահեցրեց նա։
Հիշեցնենք, որ հայ-ադրբեջանական սահմանին կայունության և անվտանգության մակարդակը բարձրացնելուն ուղղված քայլեր ձեռնարկելու և գործընթացը ՀՀ և Ադրբեջանի միջև պետական սահմանի դելիմիտացիայի և դեմարկացիայի հարցերով երկկողմ հանձնաժողովի ստեղծմանը մղելու վերաբերյալ պայմանավորվածություն ձեռք է բերվել 2021 թվականի նոյեմբերի 26-ին՝ Սոչիում կայացած եռակողմ հանդիպման ընթացքում։ Այդ մասին նշվում էր նաև տարածված համատեղ հայտարարությունում։
Երեկ՝ հունվարի 18-ին, ԱԺ փոխնախագահ Ռուբեն Ռուբինյանը խորհրդարանում ասաց՝ Հայաստանը նոր առաջարկներ է ուղարկել Ադրբեջանի հետ դեմարկացիայի և դելիմիտացիայի գործընթացի վերաբերյալ, բայց թե կոնկրետ ինչ առաջարկներ, իշխանական պատգամավորը չմանրամասնեց։
Մերի Մարտիրոսյան
