15.01.2025 | 02:30
Միրզոյանն ու Բլինքենը նաև քննարկել են ՀՀ-ԵՄ գործընկերության խորացմանը միտված գործընթացը
Մեր երկրում որևէ քաղաքական, դիվանագիտական հարձակում անպատասխան չենք թողել. ԱՀ ԱԳ նախարար. ՏԵՍԱՆՅՈՒԹ
Քաղաքականություն
19.01.2022 | 11:37
«Չի եղել գոնե մեկ զարգացում, պատասխանի արժանի քայլ, որը արտաքին գործերի նախարարության կողմից համապատասխան գնահատականի չի արժանացել։ Մենք որևէ քաղաքական, դիվանագիտական հարձակում մեր երկրի վրա անպատասխան չենք թողել»,- տարեկան ամփոփիչ ասուլիսում նման հայտարարություն արեց Արցախի արտգործնախարար Դավիթ Բաբայանը:
«Փորձել ենք ամեն ինչ անել, որ ընդհանուր առմամբ մեր երկրի շահերը պաշտպանենք»,- նշեց Բաբայանը՝ կարևորելով, որ շարունակեն սերտորեն փոխգործակցել Մայր Հայաստանի, Սփյուռքի հետ, պահպանենք ներհայկական միասնականությունը։
«Ամենակարևորը մեր աշխարհաքաղաքական սուբյեկտայնության պահպանումն է։ Մենք պետք է աշխարհին ցույց տանք, որ Արցախը կա, որ մենք տնօրինելու ենք մեր ճակատագիրը ։ Մեզ համար կարևոր է, որ համաշխարհային հանրությունը, ուժային կենտրոնները ճիշտ պատկերացում ունենան այստեղ տիրող իրավիճակի մասին»,- ասատ արտգործնախարարը։ Նա նաև ընդգծեց, որ 44-օրյա պատերազմից հետո Արցախի կողմից իր աշխարհաքաղաքական սուբյեկտայնության պահպանման խնդիրը լուծելու համար անհրաժեշտ է համապատասխան ռազմավարություն։
ԱԳ նախարարի խոսքով` Արցախի միջազգային ճանաչումը մնում է հիմնական առաջնահերթությունը:
Մանրամասները՝ տեսանյութում:
