26.04.2025 | 19:11
Գոռ Շատվերյանը՝ սամբոյի Եվրոպայի առաջնության չեմպիոն
Կատակ եմ արել. Քերոբյանը՝ երկնիշ տնտեսական աճ չապահովելու դեպքում հրաժարական տալու մասին. ՏԵՍԱՆՅՈՒԹ
19.01.2022 | 11:06
«Ե՞րբ եք հրաժարական տալու»»,- դիմելով ՀՀ էկոնոմիկայի նախարար Վահան Քերոբյանին՝ այս հարցն ուղղեց «Հայաստան» խմբակցության պատգամավոր Արեգնազ Մանուկյանը՝ հիշեցրեցնելով նրա չկատարած խոստումը՝ տնտեսական երկնիշ աճ չապահովելու դեպքում հրաժարական տալու մասին:
«Ձայնագրությունը, որ դուք միացնում եք, կիսատ է: Եթե բարի լինեք և միացնեք ամբողջ ձայնագրությունը, բոլորի համար պարզ կլինի, որ այդ արտահայտությունը, որ ես արել եմ, կատակով արված հայտարարություն է: Իհարկե, կարող եք ծիծաղել, դա ձեր իրավունքն է, որովհետև այն կոնտեքստը, որ ասվել է, դրան հաջորդել է արտահայտություն՝գո՞հ եք»,- պատասխանեց Քերոբյանը:
«Բայց ես ուրիշ հարց եմ ուզում տալ. արդյո՞ք դուք նույն պատվախնդրությամբ գնում ու թակում ենք Արժույթի միջազգային հիմանադրամի, Համաշխարհային բանկի, Ասիական զարգացման բանկի դռները, որոնք նույնպես կանխատեսումներ են արել ու վրիպել են շատ ավելի շատ, քան ես, քան մենք: Արդյո՞ք ձեր գործողություններում տրամաբանական եք, հետևողական եք բոլոր առումներով, թե՞ զվարճանում եք և ձեր արած հայտարարությունները ոչ մի կապ չունեն հայ ժողովրդի իսկական խնդիրների հետ»,- ասաց նախարարը:
Արեգնազ Մանուկյանն արձագանքեց. «Հասկանո՞ւմ եք, որ այսօպիսի պատասխաններից հետո, ձեր բոլոր խոսքերը փաստորեն ստիպված պետք է լինենք ընդունել կատակով: Այդ խոսքերը հանրության մոտ ընդամենը կարող են հույս արթնացնել: Դուք այդ խոստումը տալով ստել եք»:
