08.10.2026 | 15:55
Եթե միտում լիներ դահլիճ մտնելու, կմտնեին. Տիգրան Աբրահամյանը` օգնականների գործողությունների մասին․ ՏԵՍԱՆՅՈՒԹ
Էնթոնի Բլինքենը ժամանել է Ուկրաինա․ ՌԴ կողմից ներխուժման մտավախություններն ավելանում են
Քաղաքականություն
19.01.2022 | 11:04
Միացյալ Նահանգների պետքարտուղար էնթոնի Բլինքենի ինքնաթիռը վայրէջք է կատարել Կիևում։ Պետքարտուղարը Ուկրաինայի առաջնորդների հետ ճգնաժամային բանակցություններ կվարի՝ որպես Ռուսաստանին իր արևմտամետ հարևանի վրա հարձակումից տարհամոզելու դիվանագիտական ջանքերի մաս, գրում է France 24-ը:
Այն բանից հետո, երբ անցյալ շաբաթ բանակցությունները չմեղմեցին մտավախությունները, Սպիտակ տունը նախազգուշացրեց, որ Ռուսաստանը պատրաստ է հարձակվել Ուկրաինայի վրա «ցանկացած պահի»:
Ուրբաթ օրը Ժնևում Սերգեյ Լավրովի հետ բանակցություններին ընդառաջ՝ ամերիկացի բարձրաստիճան դիվանագետը մեկօրյա այցով ժամանել է Կիև ՝ ի նշան Ուկրաինային աջակցության, գրում է France 24-ը:
Բլինքենը հինգշաբթի մեկնում է Բեռլին՝ Մեծ Բրիտանիայի, Ֆրանսիայի և Գերմանիայի հետ քառակողմ բանակցություններում այս հարցում Արևմուտքի միասնական մոտեցում ձևավորելու համար:
Տաթև Ֆռանգյան
