02.03.2026 | 23:40
Հայաստանի մի շարք հասցեներում էլեկտրաներգիայի անջատումներ կլինեն
ԱԱԾ նախկին պետին ասեք, որ Ռուբինյանը պաշտոնի էր նշանակվում, ստուգեցի՞ք՝ գործակա՞լ էր, թե՝ ոչ. Ռուբինյան. ՏԵՍԱՆՅՈՒԹ
Քաղաքականություն
18.01.2022 | 15:31
«Ուզում եմ հասկանալ Ձեր տրամաբանությունը: Դուք նախ ֆիքսեցիք, որ «ազդեցության գործակալների» թեման բարձրացրել էիք՝ ցույց տալու համար ԱԺ դահլիճում քննարկումների ցածր որակը, շատ լավ, բայց ես ուզում եմ մի բան հասկանալ՝ ի՞նչ պետք է ավել պարզաբանեմ, եթե դուք իմ փոխարեն ամբիոնից պարզաբանեցիք»,-արձագանքելով «Հայաստան» խմբակցության պատգամավոր Ագնեսա Խամոյանի ելույթին՝ նշեց ԱԺ փոխնախագահ Ռուբեն Ռուբինյանը:
«Եթե Ձեզ հետաքրքրում էր այն հարցը, թե ես հեղափոխությունից հինգ ամիս առաջ Թուրքիայում ինչ եմ արել, ասացիք, ի՞նչ կա պարզաբանելու:
Կա՛մ պետք է լինի որևէ մեղադրանք և մեղադրանք ներկայացնողը պետք է ապացուցի դա, այսինքն՝ ապացուցման բեռը մեղադրողին է, կա՛մ մեղադրանք չկա, և կա սպեկուլյացիա: Այս դեպքում ի՞նչ պետք է անենք: Պարո՛ն Մինասյան, ես չեմ, դուք եք, ի՞նչ պետք է անեք:
Մեր ԱԺ-ն բավականին բախտավոր է, որովհետև այստեղ են թե՛ ներկայիս ՀՀ ներկայացուցիչը բանակցություններում, թե՛ նախկին ԱԱԾ պետը, որն ԱԱԾ պետ է եղել, երբ որ բանակցություններում ներկայիս ներկայացուցիչը 2018թ. նշանակվել է արտաքին գործերի փոխնախարար, դժվար չէ, հարցրեք՝ ասեք, որ Ռուբինյանը պաշտոնի էր նշանակվում, ԱԱԾ-ն ստուգե՞լ է, որ ստուգեցիք, ի՞նչ պարզվեց՝ Ռուբինյանը գործակա՞լ է, թե՞ գործակալ չէ: Այդքան բան: Կամ եթե ունեք փաստեր, գնացե՛ք, դիմե՛ք համապատասխան մարմիններ, ինչպես հարգարժան Արծվիկ Մինասյանն էր առաջարկում»:
«Ես ուրախ եմ, որ ամուր նյարդեր ունեք»,- տեղից միջամտեց Ագնեսա Խամոյանը:
«Միայն Ձեր շնորհիվ, տիկի՛ն Խամոյան: Եվ այն, որ ասում էի բաներ կանեմ, նկատի ունեի՝ լավ բաներ կանեմ Ձեզ հետ»:
Մանրամասները՝տեսանյութում:
