14.01.2026 | 14:47
Տեր Ասողիկ աբեղա Կարապետյանը ՔԿ է հրավիրվել. հարցաքննությունն առնչվում է Սուրբ Գեղարդին
Պետք էր դատական իշխանության «պորտալարը» կտրել նախագահական ինստիտուտից. Սաքունց. ՏԵՍԱՆՅՈՒԹ
Հասարակություն
18.01.2022 | 12:48
«Փորձել դատական իշխանության խնդիրները և վիճակը դիտարկել միայն սահմանադրական կարգավորումների շրջանակում, իմ համոզմամբ տեղին է, բայց ամբողջական չէ՝ զուտ դատական իշխանության մասով»,- «ՀՀ Սահմանադրությունը և դատական իշխանությունը» խորագրով փորձագիտական քննարկման ժամանակ նշեց Հելսինկյան քաղաքացիական ասամբլեայի Վանաձորի գրասենյակի ղեկավար, իրավապաշտպան Արթուր Սաքունցը:
«Պետք էր դատական իշխանության «պորտալարը» կտրել նախագահական ինստիտուտից»,- ընդգծեց Սաքունցը:
Նրա դիտարկմամբ՝ սահմանադրությունների փոփոխությունները չեն հանգեցրել դատական իշխանության նկատմամբ հանրային վստահության:
«Պետք է փորձել հասկանալ, թե որտեղ է խնդիրը՝ դատական իշխանության մե՞ջ է, թե՞ իշխանության այլ ճյուղերի ու դատական իշխանության փոխհարաբերությունների: Մի բան, սակայն, հստակ է, որ անկախ սահմանադրական փոփոխություններից՝ 1995թ, 2005թ, 2015թ, անփոփոխ է մնացել գործադիր իշխանության գերակա դերը՝ իշխանության մյուս ճյուղերի նկատմամբ: Սա որոշիչ նշանակություն ունի: Անկախ նրանից Հայաստանում գործադիր իշխանության ղեկավարը ՀՀ նախագահն է, կիսանախագահը կամ վարչապետը, արդյունավետ զսպման մեխանիզմներ օրենսդիր իշխանության կողմից գործադիրի նկատմամբ չեն եղել»,- նշեց Սաքունցը:
Մանրամասները՝ տեսանյութում:
