14.01.2026 | 11:30
ՀՀ իրավազորությունը սահմանային և մաքսային գործողությունների նկատմամբ անքննարկելի են․ ԱԳ նախարար․ ՏԵՍԱՆՅՈՒԹ
Ռուբինյանի դեմ արշավ է սկսվել․ սա արշավ է ՀՀ-ի դեմ․ Արթուր Հովհաննիսյան. ՏԵՍԱՆՅՈՒԹ
Քաղաքականություն
18.01.2022 | 10:39
«Արշավ է սկսվել ՀՀ հատուկ ներկայացուցիչ Ռուբեն Ռուբինյանի դեմ` Թուրքիայի հետ նոր սկսվող բանակցություններում ՀՀ ներկայացուցչի դեմ, ասել է թե ՀՀ-ի դեմ»,- ԱԺ ամբիոնից հայտարարեց «Քաղաքացիական պայմանագիր» խմբակցության պատգամավոր Արթուր Հովհաննիսյանը՝ իր ելույթում անդրադառնալով ԱԺ երեկվա իրադարձություններին:
«Ո՞ւմ է ձեռք տալիս արշավ սկսել ՀՀ դեմ. էլ ո՞ւմ, բացի թուրքական ազդեցության գործակալներից կամ այլ` օտարերկրյա ազդեցությունների գործակալներից։ Ո՞ւմ էր ձեռք տալիս, օրինակ, պատերազմի օրերին ամեն ինչ անել, որպեսզի տանկերը շրջվեին դեպի Երևան, էլ ո՞ւմ, բացի ադրբեջանական կամ թուրքական ազդեցության գործակալներից: Ո՞ւմ էր ձեռք տալիս Գլխավոր շտաբի զինվորականներին հանել պետության դեմ, էլ ո՞ւմ, բացի թուրքական ազդեցության գործակալներից…»:
Դիմելով ընդդիմությանը` Հովհաննիսյանը հավելեց. «Հարց ունեմ, հարգելի՛ գործընկերներ, կարո՞ղ ա՝ դուք օտարերկրյա ազդեցության գործակալներ եք: էս հարցը վերցրեք ու հիմնավոր պատասխանեք»:
