10.10.2026 | 18:18
ԶՈՒ ԳՇ պետն այցելել է մի շարք զորամասեր
Հնդկաստանը սկսել է տեղակայել ՌԴ-ից գնած С-400 համակարգերից մեկը
Քաղաքականություն
17.01.2022 | 20:15
Հնդկաստանը սկսել է ռուսական զենիթահրթիռային C-400 առաջին գնդային համալիրի տեղակայումը, այն մարտական հերթապահության կդրվի ապրիլի սկզբին։ Այս մասին գրում է Hindustan Times-ը՝ հղում անելով աղբյուրներին, փոխանցում է ՏԱՍՍ գործակալությունը։
Աղբյուրի հաղորդմամբ՝ Հնդկաստանի ԶՈՒ-ն նախատեսում է Ռուսաստանից գնված 5 C-400 համալիրները շահագործման հանձնել 2023 թվականի սկզբին։ Դրանք բոլորն օգտագործվելու են Չինաստանի կողմից օդային սպառնալիքը հետ մղելու համար։
Ավելի վաղ հաղորդվել էր, որ ՀՕՊ համակարգերի առաջին գունդը տեղակայվելու է Պակիստանի հետ արևմտյան սահմանին գտնվող Փենջաբ նահանգում։
Նշենք, որ ռուսական համակարգերի գնման՝ 5,43 մլրդ դոլար արժողությամբ պայմանագիրը կնքվել է 2018 թվականին, ՌԴ նախագահ Վլադիմիր Պուտինի՝ Հնդկաստան կատարած այցի ժամանակ։
Էմմա Չոբանյան
