10.10.2026 | 19:47
Քննարկվել են Հայաստանում կախվածությունների կանխարգելման և բուժման ուղղությամբ իրականացվող աշխատանքները
Թուրքիայի կառավարության նիստում կքննարկվեն ՀՀ-ի և Թուրքիայի հատուկ բանագնացների առաջին հանդիպման արդյունքները
Քաղաքականություն
17.01.2022 | 20:06
Թուրքիայի կառավարության առաջիկա նիստում քննարկվելու է Հայաստանի և Թուրքիայի հատուկ բանագնացների առաջին հանդիպումը, հաղորդում են տեղական լրատվամիջոցները։
Նշվում է, որ կառավարությանը նիստը տեղափոխվել է չորեքշաբթի՝ նախագահ Ռեջեփ Թայիփ Էրդողանի Ալբանիա այցի պատճառով, որը, ի դեպ, նրա այս տարվա առաջին արտասահմանյան այցն է։ Օրակարգում ներառված են տնտեսության, համավարակի և ահաբեկչության դեմ պայքարի հարցերը։
Հաղորդվում է, որ կառավարության նիստին քննարկվելու են նաև Հայաստանի ու Թուրքիայի հատուկ բանագնացների առաջին հանդիպման արդյունքները։
Հիշեցնենք՝ առաջին հանդիպումը տեղի է ունեցել Մոսկվայում հունվարի 14-ին։ ՀՀ հատուկ ներկայացուցիչն ԱԺ փոխխոսնակ Ռուբեն Ռուբինյանն է, իսկ Անկարան ներկայացնում է ԱՄՆ-ում Թուրքիայի նախկին դեսպան Սերդար Քըլըչը։
Էմմա Չոբանյան
